२५ चैत, पोखरा। गण्डकी प्रदेशका मुख्यमन्त्री खगराज अधिकारीले पद तथा गोपनियताको शपथ लिएका छन् ।
मुख्यमन्त्री अधिकारीलाई गण्डकीका प्रदेश प्रमुख डिल्लीराज भट्टले शपथ दिलाएका हुन् ।
यस्तै माओवादीका हरिबहादुर चुमान र स्वतन्त्र सांसद दिपक मनाङेलाई पनि मन्त्रीको शपथ लिएका छन् ।
योसँगै गण्डकीमा तीन सदस्यीय मन्त्रिपरिद् विस्तार भएको छ । यसअघि आइतबार बिहान मात्रै गण्डकी प्रदेश, एमाले संसदीय दलका नेता खगराज अधिकारीले मुख्यमन्त्रीमा दाबी पेश गरेका थिए ।
अधिकारीले नेकपा माओवादी केन्द्रबाट सभामुख बनेका कृष्ण धिताल समेतको समर्थन लिएका थिए । केन्द्रमा सत्ता समीकरण फेरिएपछि गण्डकीका मुख्यमन्त्री सुरेन्द्रराज पाण्डेले राजीनामा दिएपछि प्रदेश प्रमुख डिल्लीराज भट्टले संविधानको धारा १६८ (२) अनुसार यही चैत २७ गते ३ बजेभित्र दाबी पेश गर्ने समय दिएका थिए ।
अधिकारीलाई मुख्यमन्त्री बनाउन नेकपा एमालेका २२, माओवादी केन्द्रका ८ र स्वतन्त्र १ गरी ३१ जना सांसदको समर्थन प्रदेश प्रमुखलाई बुझाइएको थियो ।
६० सदस्यीय गण्डकी प्रदेश सभामा सत्ता गठबन्धनमा नेकपा एमालेका २२, माओवादी केन्द्रका सभामुखसहित ८ र स्वतन्त्र एक सांसद छन् । यसैगरी सबैभन्दा ठूलो दल नेपाली कांग्रेसका २७ र राप्रपाका २ सांसद छन्
थप समाचारहरु
गण्डकीका मुख्यमन्त्री खगराज अधिकारीले आज विश्वासको मत लिँदै
गण्डकीका मुख्यमन्त्री अधिकारी पदमुक्त, पाण्डेलाई नियुक्त गर्न परमादेश
गण्डकीमा राजीनामा दिएर फेरि मुख्मन्त्री बन्ने दाउमा सुरेन्द्रराज पाण्डे
गण्डकीको बजेटः भौतिक पूर्वाधार, पर्यटन, कृषि र शिक्षामा केन्द्रित
बेनी पुगेर प्रचण्डले भने : गल्ती भएकै हो, अब सच्याउँछौं
पृथ्वी नारायण क्याम्पसको स्ववियु चुनाव स्थगित, बुधबार बिहान ८ बजेदेखि मतदान हुने
