२० चैत, काठमाडौं । युवा तथा खेलकुद मन्त्रालयले नेपालका नेपाल क्रिकेट संघ (क्यान) र अखिल नेपाल फुटबल संघ (एन्फा) को विस्तृत विवरण राष्ट्रिय खेलकुद परिषदसँग मागेको छ ।
नेपालका दुई चर्चित खेल फुटबल र क्रिकेटका विषयमा योजना, नीति तथा रणनीति तयार गर्न भन्दै मन्त्रालयले उनीहरुको विधान, आम्दानीको स्रोतलगायतका विवरण माग गरेको हो ।
मन्त्रालयले दुवै संघको पदाधिकारीको नाम, कार्यकारी भूमिकामा रहेका व्यक्तिको नाम, कर्मचारीहरुको विवरण, पछिल्लो ३ वर्षको प्रगति प्रतिवेदन र लेखा परीक्षण प्रतिवेदन, भौतिक पूर्वाधार र उपकरणको विवरण, खेलको विकासका लागि प्रदेश र स्थानीय तहसम्मका सञ्जाल तथा गतिविधि माग गरेको छ ।
त्यस्तै खेलको विकासका लागि सम्बन्धित संघबाट तयार भएका योजना, गुरुयोजना तथा कार्यक्रम, पछिल्लो ३ वर्षमा सहभागिता भएको अन्तर्राष्ट्रिय प्रतियोगिता, पदाधिकारीले गरेको विदेश भ्रमणको विवरण पनि माग गरेको छ ।
मन्त्रालयले १२ चैतमा यी विवरण क्यान र एन्फाबाट झिकाउन राखेपलाई पत्र लेखेको हो । मन्त्रालयको पत्र अनुसार क्यान र एनफालाई १८ चैतमा पत्र पठाएको राखेपले जनाएको छ ।
थप समाचारहरु
पेरिस ओलम्पिक : प्रिन्स समूह चरणको सबै खेलमा पराजित
कर्णाली याक्सलाई महिन्द्रा अग्नि ग्रुपको साथ
मिलान्थाको सानदार ब्याटिङमा जनकपुरको विजयी सुरुवात
सभापति कपः फाइनल प्रवेशका लागि सङ्कटा र मच्छिन्द्र खेल्दै
ब्राजिलियन खेलाडी आना कर्णाली यसभिएसमा अनुबन्धित
साफ यू–१७ महिला च्याम्पियनसिप अन्तर्गत आज नेपाल र बंगलादेश भिड्दैँ
