२८ फागुन, काठमाडौं । राष्ट्रिय सभाका अध्यक्षका उम्मेदवार युवराज शर्माले निर्वाचित भए राष्ट्रिय सभाको गरिमा बढाउने गरी काम गर्ने बताएका छन् ।
राष्ट्रियसभाको अध्यक्षमा उम्मेदवारी दर्ता गरेपछि संसद भवन नयाँ बानेश्वरमा पत्रकारहरुसँग कुरा गर्दै उनले संसदीय नियममा रहेर काम गर्ने बताए । ‘राष्ट्रिय सभाको अध्यक्षमा निर्वाचित भएको खण्डमा म सभाको गरिमा बढाउने नै काम गर्छु’ उनले भने ।
कांग्रेस उम्मेदवार शर्माको प्रस्तावकमा कांग्रेसका आनन्दप्रसाद ढुंगाना र समर्थनमा कांग्रेसका किरणबाबु श्रेष्ठ र लोकतान्त्रिक समाजवादी पार्टी (लोसपा) का शेखरकुमार सिंह छन् । निर्वाचन मंगलबार हुनेछ ।
सत्ता गठबन्धनका तर्फबाट नारायण दाहालको उम्मेदवारी परेको छ । दाहालको प्रस्तावकमा माओवादी केन्द्रका गोपी अछामी सार्की र समर्थकमा एमालेका देवेन्द्र दाहाल, एकीकृत समाजवादीका बेदुराम भुसाल र जसपाका मोहम्मद खालिद छन् ।
थप समाचारहरु
सहकारीका समस्या समाधान गर्न प्रधानमन्त्रीको निर्देशन
गिरीबन्धुको फैसला कांग्रेसले संसदमा उठाउने
जीवी राई पक्राउ गरे गृहमन्त्रीलाई संसदमै फुलमाला लगाउँछौं : शाही
विचार:विपद् र हाम्रो बिग्रिएको बानी
टुँडिखेलमा सेनाले मनायो घोडेजात्रा, राष्ट्रपति र प्रधानमन्त्री सहभागी
प्रदेश संरचनाको देशमा सुशासन आवश्यक छ : तामाङ
