काठमाडाैँ । बैंक तथा वित्तीय संस्थाले अब शेयरबजारमा गरेको लगानी ४५ दिनमै फिर्ता लिन सक्ने भएका छन् । नेपाल राष्ट्र बैंकले बिहीबार एक निर्देशन जारी गर्दै बैंक तथा वित्तीय संस्थाले पुँजीबजारमा गरेको लगानी ४५ दिनपछि बेचेर लगानी फिर्ता लिन सक्ने व्यवस्था गरेको हो ।
यसअघि बैंकहरूले नेप्सेमा सूचीकृत कुनै पनि कम्पनीको शेयर खरिद गर्दा कम्तीमा ६ महिना नपुगी बेच्न पाउने थिएनन् । राष्ट्र बैंकको निर्देशनपछि बैंकहरूलाई नाफा–नोक्सान जे भए पनि शेयरबजारबाट आफ्नो लगानी छिटो उठाउन सहज भएको छ ।
अर्थमन्त्री डा. स्वर्णिम वाग्लेले केही दिनअघि २१ बुँदे पुँजीबजार सुधार कार्ययोजना सार्वजनिक गरेका थिए । उक्त कार्ययोजनाको एउटा महत्त्वपूर्ण योजनामा बैंकहरूको लगानी फिर्ताको सहजीकरण गरिने उल्लेख थियो । सोही बुँदाअनुसार बिहीबार राष्ट्र बैंकले निर्देशन जारी गरेको हो ।
निर्देशनअनुसार धितोपत्र बजारमा सूचीकृत भइसकेको संगठित संस्थाको शेयर तथा डिबेञ्चरमा ४५ दिनभन्दा बढी अवधिका लागि मात्र लगानी गर्न पाइनेछ । यसबाहेक कुनै पनि किसिमको प्रबन्धबाट संगठित संस्थाको शेयर तथा डिबेञ्चरमा अल्पकालीन लगानी गर्न नपाउने व्यवस्था पनि केन्द्रीय बैंकले थप गरेको छ । तर, बैंक तथा वित्तीय संस्थाले यो व्यवस्था कार्यान्वयन गर्न लगानी नीति तथा कार्यविधि स्वीकृत गराएर मात्र गर्नुपर्ने सर्त केन्द्रीय बैंकले तोकेको छ ।
सरकारी सुरक्षणपत्र, नेपाल राष्ट्र बैंक ऋणपत्र तथा संगठित संस्थाहरूको शेयर तथा डिबेञ्चरमा गरिने लगानीसम्बन्धी नीति तथा कार्यविधि सञ्चालक समितिबाट स्वीकृत गराएर लागू गर्नुपर्ने व्यवस्था राष्ट्र बैंकले गरेको छ ।
थप समाचारहरु
प्रधानमन्त्री उद्धार कोषमा नेपाल बैँकको दुुई करोड
राष्ट्रिय वाणिज्य बैंकलाई अग्रणी बनाउने जोडमा अर्थमन्त्री पौडेलले
राष्ट्र बैंकद्वारा ५० करोडको निक्षेप संकलनका लागि आवेदन आब्हान
यस्ता छन्, आज विदेशी मुद्राको विनिमय दर
अर्थ समितिसभापतिचालिसेको दाबीः‘पैसा छ, तर बजार चलायमान छैन’
आइतबारका लागि विदेशी मुद्राको विनिमय दर कति ?
