काठमाडौं । साविक विजेता अर्जेन्टिना फिफा विश्वकप २०२६ को सेमिफाइनलमा प्रवेश गरेको छ। क्वार्टरफाइनलमा स्विट्जरल्यान्डलाई अतिरिक्त समयमा ३–१ ले पराजित गर्दै अर्जेन्टिनाले अन्तिम चारमा स्थान सुरक्षित गरेको हो ।
अमेरिकाको कान्सास सिटी स्टेडियममा भएको खेलमा अर्जेन्टिनाले १०औँ मिनेटमा एलेक्सिस म्याक एलिस्टरको गोलमार्फत अग्रता लिएको थियो। कप्तान लियोनल मेसीको कर्नरमा म्याक एलिस्टरले हेडरमार्फत गोल गरेका थिए ।
तर दोस्रो हाफको ६७औँ मिनेटमा डान एनडोएले गोल गर्दै स्विट्जरल्यान्डलाई १–१ को बराबरीमा फर्काए। त्यसको पाँच मिनेटपछि स्विट्जरल्यान्डका ब्रिल एम्बोलो दोस्रो पहेँलो कार्डपछि रातो कार्ड पाउँदै मैदानबाट बाहिरिए र टोली १० खेलाडीमा सीमित भयो ।
निर्धारित ९० मिनेटमा थप गोल हुन नसकेपछि खेल अतिरिक्त समयमा पुगेको थियो । अतिरिक्त समयको १०३औँ मिनेटमा जुलियन अल्भारेजले गोल गर्दै अर्जेन्टिनालाई पुनः अग्रता दिलाए। त्यसपछि इन्जुरी समयको पहिलो मिनेट ९१२०ं१० मा लाउटारो मार्टिनेजले अर्को गोल थप्दै अर्जेन्टिनाको ३–१ को जित सुनिश्चित गरे ।
यस जितसँगै अर्जेन्टिनाले सेमिफाइनलमा स्थान बनाएको छ । अब अर्जेन्टिनाले फाइनल प्रवेशका लागि इंग्ल्यान्डसँग प्रतिस्पर्धा गर्नेछ। उक्त खेल नेपाली समयअनुसार बुधबार राति हुनेछ ।
थप समाचारहरु
आईसीसी टी–२० विश्वकप छनोटको दोस्रो अभ्यास खेलमा नेपालको जित
विश्वकप छनोट : नेपाल समूहको अन्तिम खेलमा जापानसँग भिड्दै
विश्वकप छनोट : कतारसँग नेपाल ५ रनले विजयी
नेपाल प्रिमियर लिग : आज लुम्बिनी लायन्स र चितवनबीच प्रतिस्पर्धा हुँदै
एनपीएल: पोखरा एभेन्जर्समाथि सुदूरपश्चिम रोयल्सको विजयी
समूह एच: डेब्युको तयारीमा केप भेर्डे, स्पेन र उरुग्वे
