आईसीसी विश्वकप लिग–२ः इशान पाण्डेको दोस्रो अर्धसतक पूरा

काठमाडौं । नेपाली टोलीका ब्याट्सम्यान इशान पाण्डेले अमेरिकाविरूद्धको शुक्रबारको खेलमा अर्धशतक बनाएका छन् ।
कीर्तिपुरस्थित त्रिभुवन विश्वविद्यालय अन्तर्राष्ट्रिय क्रिकेट मैदानमा अमेरिकाविरुद्ध आईसीसी विश्वकप लिग–२ अन्तर्गत अर्धशतक पूरा गर्दै पाण्डेले ८१ बलमा ८२ रन बनाएका हुन् ।
उनले जेठ ४ गते भएको स्कटल्यान्डविरुद्धको खेलमा पनि अर्धशतक बनाएका थिए । यो कीर्तिपुरमा जारी एकदिवसीय अन्तर्राष्ट्रिय त्रिदेशीय क्रिकेटमा उनको दोस्रो अर्धशतक हो ।
लगातार दुई महत्वपूर्ण इनिङ्स खेलेसँगै उनले नेपाली टोलीका भरपर्दा ब्याट्सम्यानका रूपमा आफूलाई स्थापित गर्ने संकेत दिएका छन् ।
नेपाली राष्ट्रिय टोलीमा नयाँ अनुहारका रूपमा अवसर पाएका पाण्डेले अन्तर्राष्ट्रिय करिअरको सुरुआतमै प्रभावशाली प्रदर्शन गर्दै समर्थक र क्रिकेट विश्लेषकको ध्यान तानेका छन् ।
कठिन परिस्थितिमा संयमित ब्याटिङ गर्न सक्ने क्षमता देखाएका उनले नेपाली क्रिकेटको भविष्यप्रति थप आशा जगाएका छन् ।
घरेलु मैदानमा समर्थकको उत्साहपूर्ण साथ पाएका पाण्डे अहिले नेपाली क्रिकेटका उदाउँदा प्रतिभामध्ये एकका रूपमा हेरिन थालेका छन् ।
उनी बायाँहाते ब्याट्सम्यान तथा पार्टटाइम अफब्रेक बलर हुन् । उनले सानैदेखि क्रिकेटप्रति रुचि राख्दै उमेर समूहको क्रिकेटबाट आफ्नो यात्रा सुरु गरेका थिए ।
उनले नेपाल यू–१९ टोलीबाट खेल्दै आफ्नो प्रतिभा देखाएका थिए । त्यसपछि घरेलु क्रिकेटमा निरन्तर राम्रो प्रदर्शन गरेपछि राष्ट्रिय टोलीमा अवसर पाएका हुन् । सन् २०१९ मा सिंगापुर ट्राइ–सिरिजअन्तर्गत जिम्बावेविरुद्ध टी–२० अन्तर्राष्ट्रिय डेब्यु गरेका थिए ।

इशानको विशेषता भनेको संयमित ब्याटिङ र कठिन अवस्थामा इनिङ्स सम्हाल्ने क्षमता हो । घरेलु प्रतियोगिता, नेपाल ए टोली तथा प्रधानमन्त्री कपजस्ता प्रतियोगितामा लगातार राम्रो प्रदर्शन गरेपछि उनी पुनः राष्ट्रिय टोलीमा स्थापित भएका हुन् ।
क्रिकेटसँगै उनी अध्ययनमा पनि अब्बल मानिन्छन् । उनी एमबीबीएस अध्ययन पूरा गरेका चिकित्सकसमेत हुन्, जसका कारण उनलाई ‘डाक्टर क्रिकेटर’ भनेर पनि चिनिन्छ ।

थप समाचारहरु

प्रधानमन्त्री प्रचण्ड दिल्लीमा, भारतीय राज्यमन्त्री लेखीले गरिन् स्वागत

विश्व वातावरण दिवसको अवसरमा सिद्धार्थ बैंकद्वारा विविध कार्यक्रम

सूचना विभाग दर्ता नं.