बाजुराको हिमाली गाउँपालिकामा निःशुल्क स्वास्थ्य शिविर

बाजुरा । बाजुरा तथा देशकै सर्वाधिक विकट हिमाली गाउँपालिकामा निःशुल्क स्वास्थ्य शिविर सम्पन्न भएको छ । सिंगो गाउँपालिकाभर सञ्चालित शिविरबाट विभिन्न रोगका करिब एकहजार बढी विरामी लाभान्वित भएका छन् ।
दुर्गमका नागरिकको स्वास्थ्य अवस्थालाई मध्यनजर गर्दै आयोजना गरिएको शिविरबाट पालिकाका ७ वटै वडाका नागरिकले सेवा पाएका हुन् । पालिकाका ३ ठाउँबाट यहाँका नागरिकलाई निःशुल्क रुपमा स्वास्थ्य सेवा प्रदान गरिएको थियो ।
गाउँपालिकाको धुलाचौर,कुवाडी र विच्छ्या गरी तीन ठाउँबाट सञ्चालित निःशुल्क स्वास्थ्य शिविर सम्पन्न भएको गाउँपालिका स्वास्थ्य शाखा प्रमुख राज बहादुर भण्डारीले बताएका छन् । उपचारका क्रममा ५ सय बढी पाठ्यघर समस्याका विरामी, १४८ जनाको दम, मुटुरोग, मृगौला परिक्षण, सुगर जाँच लगायत नसर्ने रोगको स्क्रीनिङ गरिएको भण्डारीले जानकारी दिए ।
त्यस्तै ६२ जनाको भिआई ए तथा पाठेघरको क्यान्सर हुनसक्ने जाँच गरिएको स्वास्थ्य शाखा प्रमुख भण्डारीले बताए । पाठेघर खसेका महिलाको उपचार सेवा सहित १४ जनालाई प्रयोगशाला क्षयरोग परिक्षण सेवा समेत दिइएको हो । हिमाली गाउँपालिका ५ कुवाडीका २६६ जनाले नसर्ने रोग ३८ जना महिलाले स्क्रीनिङ तथा पाठेघरको क्यान्सर परिक्षण र ४८ जनाले निशुल्क ल्याब सेवा लिएका छन् ।
दुर्गम ठाउँमा रोग पालेर बसिरहेका यहाँका नागरिकलाई शिविरले ठूलो राहत पुग्ने गाउँपालिकाले जनाएको छ । पछिल्लो समय गाउँपालिकाले स्वास्थ्य क्षेत्रमा फड्को मारेको छ । पालिकाका सबै वडामा आधारभूत स्वास्थ संस्था स्थापना छन् । गाउँपालिकाको केन्द्र धुलाचौर, पाँडी, बोर्ता, क्युडी, बाम,गुम्बा लगायतका विकट बस्ती गरेर १४ वटा स्वास्थ्य चौकी स्थापना गरिएका छन् ।
पालिकाका स्थानीयबासी तथा सबै गर्भवती महिला,वृद्ध र बालबालिकाहरुले सामान्य उपचार सेवा गाउँमै पाउने व्यवस्था समेत गरिएको छ । पालिकाका नागरिकले सहज स्वास्थ सेवा सुविधा पाईरहेका छन् । पहिलेको तुलनामा अहिले गाउँपालिकाको स्वास्थ क्षेत्रमा बलियो सुधार भएको गाउँपालिका अध्यक्ष गोविन्द्र बहादुर मल्लले बताए ।
‘गाउँपालिकाको स्वास्थ्य क्षेत्र मात्रै नभई हरेक क्षेत्रमा बलियो सुधार भएको छ । हिमाली गाउँपालिका अहिले जिल्लाकै नमुना गाउँपालिकाको रुपमा परिचित छ’ मल्लले भने, ‘पटकपटक पालिकाका नागरिकको स्वास्थ्य जाँच गर्न शिविरको आयोजना गरिँदै आएको छ । जुन शिविरबाट दुर्गमका नागरिकको सहज स्वास्थ्य लाभ लिईरहेका छन् ।’
पालिकामा हरेक बर्ष निःशुल्क स्वास्थ्य शिविर सञ्चालन गर्ने गरिएको अध्यक्ष मल्लले जानकारी दिए । हिमाली गाउँपालिका स्वास्थ्य शाखाको आयोजनामा सञ्चालन गरिएको स्वास्थ्य सिविरमा कोल्टी आधारभूत अस्पताल प्रमुख एमडिजिपि डाक्टर रञ्जितकुमार साह सहित स्वास्थ्यकर्मीको टोली गाउँ–गाउँ पुगेर सेवा दिएको हो ।
हिमाली गाउँपालिकाले विगतदेखि नागरिक उपचार सहायता कोष खडागरी सोही कोषबाट पालिकामा निःशुल्क सवास्थ्य शिविर सञ्चालन गर्ने गरेको छ ।आर्थिक अभावले घरमै रोग पालेका नागरिकको लागि निःशुल्क स्वास्थ्य शिविर वरदान सावित बन्ने गरेको छ ।

थप समाचारहरु

 ‘पहिले अस्पताल त्यसपछि स्वास्थ्य विज्ञान विश्वविद्यालय’ बिदामा पनि उपचार सेवा दिँदै प्रादेशिक आयुर्वेद चिकित्सालय श्रीकोटको सिल्लेगडा बर्थिङ एकाइमा बेबी वार्मर पाटनका स्वास्थ्य संस्थामा प्रजनन स्वास्थ्यसम्बन्धी शिविर सञ्चालन बैतडीमा मेलौलीबाट पुनः स्वास्थ्य बिमा कार्यक्रम वडामै पुगेर सामाजिक सुरक्षा भत्तासँगै बिरामी जाँच