काठमाडौं । जारी आईसीसी टि–२० विश्वकप २०२६ मा ब्याट्सम्यानहरूको उत्कृष्ट प्रदर्शन जारी छ । प्रतियोगिताको प्रारम्भिक चरणमै केही खेलाडीले शानदार इनिङ्स खेल्दै सर्वाधिक रन बनाउने सूचीमा अग्र स्थान बनाएका छन् । पाकिस्तानका साहिबजादा फरहान हालसम्म सर्वाधिक रन बनाउने खेलाडी बनेका छन् । उनले चार खेलमा २२० रन बनाएका छन् । उनको स्ट्राइक रेट १६४.१७ र औसत ७३.३३ रहेको छ ।
श्रीलंकाका पाथुम निस्साङ्का दोस्रो स्थानमा छन् । उनले चार खेलमा १९९ रन जोडेका छन् । उनको स्ट्राइक रेट १५६.६९ र औसत ६६.३३ रहेको छ । तेस्रो स्थानमा श्रीलंकाकै विकेटकिपर–ब्याट्सम्यान कुसल मेन्डिस छन् । उनले चार खेलमा १८२ रन बनाएका छन् । दक्षिण अफ्रिकाका कप्तान एडेन मार्कराम चौथो स्थानमा छन् । उनले चार खेलमा १७८ रन बनाएका छन् भने उनको औसत ५९.३३ रहेको छ ।
भारतका आक्रामक ओपनर इशान किशन पाँचौं स्थानमा छन् । उनले चार खेलमा १७६ रन बनाएका छन् । उनको स्ट्राइक रेट २०२.२९ र औसत ४४ रहेको छ । पाकिस्तानविरुद्ध ४० बलमा ७७ रनको उत्कृष्ट इनिङ्स खेलेपछि उनी ‘प्लेयर अफ द म्याच’ घोषित भएका थिए । प्रतियोगिता अघि बढ्दै जाँदा सर्वाधिक रनको होड थप प्रतिस्पर्धात्मक र रोमाञ्चक बन्ने अपेक्षा गरिएको छ ।
थप समाचारहरु
आईसीसी टी–२० विश्वकपको तयारीस्वरुप आज नेपाल क्यानडासँग खेल्दै
सान्त्वना जितको लक्ष्यमा नेपाल, स्कटल्यान्डको सामना गर्दै
आईसीसी टी–२० विश्वकप छनोटको दोस्रो अभ्यास खेलमा नेपालको जित
एनपीएल: पोखरा एभेन्जर्समाथि सुदूरपश्चिम रोयल्सको विजयी
ठगीबाट सचेत रहन बेलायतस्थित नेपाली दूतावासको आग्रह
स्विट्जरल्यान्डद्वारा निकोलस मादुरोसँग सम्बन्धित सम्पत्ति जफत गर्ने निर्णय
