काठमाडौं । नेपाली कांग्रेस आन्तरिक कलहकैबीच आगामी निर्वाचनको टिकट वितरणको तयारीमा लागेको छ । मंगलबार मनोनयन दर्ता हुनुपर्ने भएकाले आजै टिकटको टुंगो लगाउन थालिएको हो ।
२१ फागुनमा हुने प्रतिनिधि सभा निर्वाचनका लागि टिकट मिलान र विवाद साम्य पार्न तीन गुटका नेताहरु छलफलमा छन् ।
विशेष महाधिवेशनबाट निर्वाचित भएर आधिकारिकता पाएका गगन थापा, शेरबहादुर देउवा र शेखर कोइराला समूहका नेताहरु छलफलमा जुटे पनि अहिलेसम्म कुनै सहमति हुन सकेको छैन ।
निर्वाचन आयोगबाट आधिकारिकता पाएका गगन समूहले पार्टीको टिकट लिएर निर्वाचन लड्ने भए निर्वाचन आयोगले दिएको आधिकारिकताविरुद्ध सर्वोच्चमा दायर गरिएको रिट फिर्ता लिनुपर्ने सर्त राखेको छ ।
गगन समूहका एक नेताका अनुसार, ‘विशेष महाधिवेशनको नेतृत्व स्वीकारेर हस्ताक्षरसहितको टिकट लिनेबित्तिकै विशेष महाधिवेशनलाई स्वीकार गरेको ठानिनेछ। सभापति स्विकारेर टिकट लिने र विशेष महाधिवेशनलाई अवैध भनेर अदालत जान भने हुँदैन।’
गगन समूहले राखेको सर्तबारे देउवा–कोइराला समूहले अहिलेसम्म कुनै प्रतिक्रिया दिएका छैनन् । बैठक आज बिहान पनि जारी रहेको नेताहरुले बताएका छन् ।
आइतबार राति सभापति गगन थापा समूहबाट मधु आचार्य र देवराज चालिसे, देउवा समूहबाट रमेश लेखक र कोइराला समूहबाट मिनेन्द्र रिजालले विवाद मिलाउने प्रयास गरेका थिए । सो छलफललाई आज पनि निरन्तरता दिइएको छ ।
राति भएको छलफलमा अन्य कुरामा सहमति नभए पनि निवर्तमान सांसद र दान नलागेका व्यक्तिलाई टिकट दिने विषयमा गगन समूह तयार भएको एक नेताले बताएका छन् ।
थप समाचारहरु
विदेशबाट आएका लासहरुको क्षतिपूर्तीमा सरकारले ध्यान जान आवश्यक छ : सांसद खान
रास्वपाको फागुनमा हुने महाधिवेशन सर्यो, यस्ता छन् बैठकका निर्णयहरु
एमालेको नयाँ नेतृत्व चयनका लागि आज मतदान हुँदै
एमाले नेता गौतमद्वारा उपमहासचिव पदको उम्मेदवारी फिर्ता
डिजिटल अधिकारमा एकपक्षीय नीति नै मुख्य चुनौती : तारानाथ दाहाल
माले महाधिवेशन : उत्साहपूर्ण मतदान प्रक्रिया सुरु
