जेम्स थन्डरबोल्ट्स कप २०२५ सुरु, एक सयभन्दा बढी विद्यालयका ३५ सय खेलाडीको सहभागिता

काठमाडौं । देशभरीका एक सय सात विद्यालयका ३५ सय भन्दा बढी खेलाडीहरूको सहभागितामा तेस्रो थन्डर बोल्ट्स कप २०२५ विहीबारबाट जेम्स विद्यालयको खेल मैदानमा सुरु भएको छ ।

थन्डर बोल्ट्स कप २०२५ मा समूहगत तर्फ फुटबल, भलिवल, बास्केटबल, फुटसल र क्रिकेट तथा व्यक्तिगत तर्फ पौडी, आर्चरी, जुडो, तेक्वान्दो, टेबल टेनिस, टेनिस, ई–स्पोट्र्सका खेलहरु समावेश गरिएका छन्।

‘सपना देख, विश्वास गर, प्राप्ति गर’ भन्ने मूल नाराका साथ जेम्स विद्यालयको खेलकुद तथा अतिरिक्त क्रियाकलाप विभागको आयोजनामा प्रतियोगिताको बिहीबार ललितपुरका प्रमुख जिल्ला अधिकारी प्रेम प्रसाद भट्टराईले उद्घाटन गरेका थिए।

प्रतियोगिताको समुद्घाटन समारोहमा जेम्स विद्यालयका संस्थापक अध्यक्ष राजेश खड्का, थन्डर बोल्ट्स डेभलप्मेन्ट सेन्टरका निर्देशक बरुण खड्का, ललितपुर महानगरपालिका शिक्षा विभागका निर्देशक देवी पौड्याल, नेपाल मेडिसिटी अस्पतालका प्रमुख कार्यकारी अधिकृत डा. अमित कुमारको सहभागिता रहेको थियो ।
प्रतियोगिताको विभिन्न खेलको पदक प्राप्तीको आधारमा विजेता टोलीको घोषणा गरिनेछ । प्रथम स्थान प्राप्त गर्ने विद्यालयले ५ लाख रुपैंया प्राप्त गर्नेछ।
यस प्रतियोगिताको मुख्य उद्देश्य नेपालका विद्यालयहरूबीच बलियो खेल संस्कृति र सौहार्दताको विकास गर्ने रहेको छ ।

थन्डरबोल्ट्स डेभलप्मेन्ट सेन्टरद्वारा प्रायोजित र फोटोन द्वारा समर्थित यस मेगा इभेन्ट्स खेलकुद प्रतियोगिताका साझेदार संस्थाहरूमा मिडिया पार्टनर अन्नपूर्ण पोष्ट, हेल्थ पार्टनर नेपाल मेडिसिटी अस्पताल, मिडिया तथा ब्रोडकास्टिङ पार्टनर वान ओर एट, एडुमार्ट, लगायत अन्य धेरै प्रतिष्ठित कम्पनीहरूको समर्थन रहेको छ।
प्रतियोगिता पुस ९ गते सम्पन्न हुनेछ।

थप समाचारहरु

दोस्रो बागमती प्रदेश लिग फुटबल प्रतियोगिता अन्तर्गत आज दुई खेल हुदैँ विभिन्न खेल आयोजनाका लागि चेम्बर अफ कमर्सको सहकार्य चारदेशीय टी–२० आई सिरिज स् नेपालले कतारलाई आठ विकेटले हरायो खेलमा राजनीति नगर्न र एनपिएलको तयारी गर्न प्रधानमन्त्रीको निर्देशन साफ यू २० च्याम्पियनसिप : नेपालले घरेलु टिम बंगलादेशसँग प्रतिस्पर्धा गर्दै बिपी राजमार्गमा रातको समयमा सवारी आवागमन निषेध