काठमाडौं । सार्वजनिक नीति तथा प्रत्यायोजित विधायन समितिको बैठकमा आगामी योजना तथा कार्यक्रम सम्बन्धमा छलफल गरिएको छ ।
आइतबार बसेको समितिको बैठकमा आगामी योजना तथा कार्यक्रमका विषयमा समिति सदस्यहरुसँग छलफल गरिएको हो ।
बैठकमा बोल्दै समिति सभापति माया प्रसाद शर्माले समितिले सरकारलाई सहयोगको अनुभुति हुनेगरी परिणामसहित काम गर्नुपर्ने बताए ।
उनले भने, ‘हामी सचेतापूर्वक अगाडि बढ्दा उपयुक्त हुन्छ । जव कि काम पनि गर्नुछ र परिणाम पनि निकाल्नुछ । काम गरेर परिणाम निकाल्ने समयमा राष्ट्रिय सभाका समितिहरुले हाम्रो सहयोगका लागि काम गरेको भन्ने राज्यलाई पनि परोस् । त्यहाँबाट सपोर्ट पनि होस् ।’
उनले बैठकहरु आवश्यकतामा बस्न सक्ने र निर्णयहरु लिन सक्ने भएकाले छलफल र सल्लाह अनुरुप जाने बताए ।
‘दल र सरकारप्रति आन्दोलनकारी त्यति सकारात्मक छैनन् । त्यसकारण सचेतापूर्वक काम गरौं । बैठक बस्दा उपसमितिको बैठक कस्तो हुन्छ, समितिको बैठक कस्तो हुन्छ, दशैसम्म वा तिहारसम्म कति बस्छौ त्यसमा छलफल गरौं । उपसमिति र समितिका बैठकहरु आवश्यकतामा बस्न सक्ने र निर्णयहरु लिन सक्ने भएकाले सल्लाह गर्दै जानु उपयुक्त हुन्छ,’ उनले भने ।
यस्तै बैठकमा बोल्दै समिति सदस्य मदन कुमारी शाहले भनिन्,‘समितिले आगामी दिनमा राजनीतिक दलहरुलाई खवरदारी गर्नुपर्ने र निर्वाचन हुने वातावरण राजनीतिक दलहरुले निर्माण गनुपर्छ भनेर आव्हान गर्नुपर्छ । समयमा निर्वाचन होस् भनेर सरकार समक्ष पनि खवरदारी गनुपर्छ,’
उनले २०४६ पछि बनेका सरकार, प्रशासनिक क्षेत्रलगायत सम्पूर्ण उच्च पदस्थमा रहेका व्यक्तिहरुको सम्पत्ती छानविन सरकारले गर्नुपर्ने धारणा राखिन् । यसका लागि उच्चस्तरीय छानविन आयोगको समेत गठन हुनुपर्ने उनले बताइन् ।
थप समाचारहरु
अध्यागमनमा घुस लिइरहेको घट्ना बाहिरिएपनि सरकार मौन बस्नु रहस्यमय’
राष्ट्रपतिसमक्ष लोक सेवा आयोगको वार्षिक प्रतिवेदन पेस
रास्वपा केन्द्रीय समिति बैठक आज पनि बस्ने
मेरो पासपोर्ट रोक्का गरेर वर्तमान सरकारले सडक तमासा देखायो : ओली
पर्यटन क्षेत्रको आत्मबल बढाउन व्यवसायीलाई सुरक्षाको प्रत्याभूति दिलाउन सक्नुपर्छ : सीईओ जोशी
राजीनामा दिने भन्ने आशयका समाचार भ्रामक हुन् : महानिरीक्षक खापुङ्ग
