मन्त्री शाहीद्वारा कार्यसम्पादन सम्झौता इमानदारीपूर्वक कार्यान्वयन गर्न निर्देशन

काठमाडौँ, १२ भदौः वन तथा वातावरणमन्त्री ऐनबहादुर शाहीले मातहतका विभागीय प्रमुखलाई कार्यसम्पादन सम्झौता इमानदारीपूर्वक कार्यन्वयन गर्न निर्देशन दिएका छन् । चालु आर्थिक वर्षको कार्यसम्पादन सम्झौतापछि उनले प्रतिबद्ध भएर कार्यन्वयन गर्न मन्त्रालयका सचिव, विभागीय प्रमुख र महाशाखा प्रमुखलाई निर्देशन दिएका हुन् ।

मन्त्री शाही र सचिव डा राजेन्द्रप्रसाद मिश्रबीच तथा सचीव र विभागीय प्रमुख महाशाखा प्रमुखबीच आज कार्यसम्पादन सम्झौता भएको हो । प्रधानमन्त्रीसँग सम्झौता भएको कार्यसम्पादन कार्यन्वयन गर्न म प्रतिबद्ध रूपमा लाग्ने छु, मन्त्री शाहीले भने, मन्त्रालय र हामीबीच भएको कार्यसम्पादन सम्झौता कार्यन्वयन गर्न तपाईंहरू पनि कटिबद्ध भएर लाग्नुस् ।

आगामी कार्यसम्पादनको मुल्याङ्कन ९० प्रतिशत अङ्कभार प्राप्त गर्ने गरी कार्यन्वयनमा लाग्न मन्त्री शाहीले सचिव, विभागीय प्रमुख र महाशाखा प्रमुखलाई निर्देशन दिए। उनले वन मन्त्रालयमार्फत एक वर्षमा उपलब्धिमूलक काम भएका बताउँदै मन्त्रालयलाई सफल र सक्षम बनाउन विभागीय प्रमुखको महत्त्वपूर्ण भूमिका रहने धारणा राखे ।

मन्त्री शाहीले भन्नुभयो, राम्रो काम गर्नेलाई पुरस्कृत गरौँ । काम गर्ने क्रममा बाधाअड्चन वा समस्या देखिए एकापसमा छलफल गरी समाधान निकालौँ ।उनले सुखी नेपाली समृद्धि नेपालको परिकल्पना सहित जनताका चाहनाअनुसार विकास निर्माणमा सबैले हातोमालो गरी अघि बढ्न आग्रह गरे ।

थप समाचारहरु

मदन भण्डारीको जन्मजयन्ती मनाइने, संयोजकमा डोरमणि पौडेल चारवटा संसदीय समितिको बैठक बस्दै, यस्ता छन् कार्यसूची विकासशील राष्ट्रहरूको साझा अनुभव नै कृषिको विकासका लागि ठूलो स्रोत हुन सक्छ : कृषिमन्त्री अधिकारी नवनियुक्त सामान्य प्रशासन मन्त्री न्यौपानेले सपथ लिँदै काठमाडौं नगर सभाको १७ औँ अधिवेशनबाट दुई वटा विधेयक स्वीकृत राप्रपाले भोली भ्रष्टाचार विरुद्धको प्रदर्शन सहित आयोगमा ज्ञापनपत्र बुझाउने