काठमाडौं । उद्योग, वाणिज्य तथा आपूर्तिमन्त्री दामोदर भण्डारीले लगानी, उत्पादन, उत्पादकत्वमा आत्मनिर्भर बन्न नेपालको बजार सानो नभएको बताएका छन् ।
बिहीबार उद्योग, वाणिज्य तथा आपूर्ति मन्त्रालय तथा सुदुरपश्चिम प्रदेश सरकारले आयोजना गरेको सुदुरपश्चिम प्रदेशमा आयोजना हुने लगानी तथा विकास सम्मेलन सम्बन्धी अन्तर्क्रिया कार्यक्रममा बोल्दै मन्त्री भण्डारीले लगानी गर्न नेपाली बजार सानो नभएको बताएका हुन् ।
उनले भने, ‘लगानी गर्न हामीले बजार देखिरहेका छौ । अरु बजार नखोजौँ । पहिलो बजार घरेलु बजार खोजौँ, तीन करोड जनताको बजार सानो होइन । लगानी, उत्पादन, उत्पादकत्वमा हामी आत्मनिर्भर बनौँ । त्यसपछि करोडौका कुरा पछि गरौंला । पहिले हामी आयात प्रतिस्थापन गरौं ।’
मन्त्री भण्डारीले नेपाली बजार सुरक्षित गर्न सके देशको जिडिपी बढ्ने पनि बताए। उनले लगानीका लागि नीतिगत रुपमा नै रहेका जटिलताहरु, प्रक्रियागत जटिलताहरु रहेको बताए ।
‘नेपालको तीन करोडको बजार मात्र सुरक्षित गर्न सक्यौ भने कुल गार्हस्थ्य उत्पादन (जिडिपी) ग्रोथ बढी नै हुन्छ । आर्थिक कुटनीतिले केही नयाँ सम्भावना देखाउँछ । पहिले नीतिगतरुपमा नै रहेका जटिलताहरु, आन्तरिक प्रक्रियागत जटिलताहरु छन् । एकद्धार सेवा प्रणाली होस् वा एउटा कुसीबाट सेवा दिने कुरा होस् १२ वटा टेवलबाट त जटिलता भइहाल्छ,’ उनले भने ।
थप समाचारहरु
माओवादी केन्द्रीय समितिको छैठौं बैठक : दोस्रो दिन ८० जनाले राखे धारणा
व्यवस्था बदलिए पनि जनताको अवस्था बदल्न सकेका छैनौँ : प्रचण्ड
‘पूर्वविशिष्टहरु पदमा हुँदा पनि लुट्ने, रिटायर्ड भएपछि पनि लुट्ने ?’
मौलिक र वास्तविक मूल्याङ्कनबाट मात्र राष्ट्रिय सुरक्षालाई सुदृढ तुल्याउन सकिन्छः प्रधानसेनापति
गण्डकी प्रदेश सरकारले ‘राइड शेयरिङ’ नियमावली स्थगन गरेपछि मात्र गाडि चल्ने
विद्यालय शिक्षा विधेयकका प्रावधान पुनर्विचार गर्न राष्ट्रपति समक्ष नेशनल प्याब्सनको माग
