कंचनपुर । दुग्ध विकास संस्थान (डीडीसी)ले किसानको दूधको पैसा भुक्तानी गर्न सकेको छैन । कंचनपुरका सातवटा सहकारी र ३४ वटा कृषि फार्मको ६ करोड भुक्तानी गर्न बाँकी छ ।
संस्थानले गत मंसिरदेखि संकलन भएको दूधको भुक्तानी गर्न नसकेको हो ।
संस्थानले समयमा भुक्तानी गर्न नसक्दा आफूहरु मर्कामा परेको साथी कृषि सहकारी संस्थाका अध्यक्ष कृष्णदत्त पनेरुले जानकारी दिए । “हामीले डीडीसीबाट मंसिरयताको ६० लाख रकम पाउनुपर्ने बाँकी छ,” उनले भने, “डीडीसीले सहकारीलाई भुक्तानी गर्न नसकेपछि हामीले पनि किसानलाई समयमा भुक्तानी गर्न सकेका छैनौँ ।”
डीडीसी धनगढी दुग्ध वितरण आयोजनाका प्रमुख निरञ्जन भट्टराईले कञ्चनपुरका सातवटा सहकारी र ३४ वटा फार्मको ६ करोड रकम भुक्तानी गर्न बाँकी रहेको जानकारी दिए । “कात्तिकदेखि चैतसम्म बढी दूध संकलन हुने भएकाले भुक्तानीमा ढिलाइ भएको हो,” उनले भने, “बाँकी रहेको ६ करोड छिट्टै भुक्तानी हुन्छ । तीन करोड ३७ लाख गत महिनामा भुक्तानी गरिसकेका छौँ ।”
उनले कञ्चनपुरबाट महिनामा दुई हजार ५०० देखि चार हजार लिटरसम्म दूध संकलन हुने गरेको बताए ।
थप समाचारहरु
कैलाली भन्सारमा आठ अर्ब ६६ करोड ९८ लाख राजस्व सङ्कलन
बेतबाँसका सामग्रीबाट आत्मनिर्भर ललिता
राडीपाखी व्यवसाय आत्मनिर्भरको माध्यम बन्दै, बजार र चरनको अभाव कायमै
राष्ट्र बैंकले भदौ २९ देखि दशैंका लागि सुकिला नोट सटहि गर्ने
परदेशिएका नेपालीले पठाए एक खर्ब ७७ अर्ब विप्रेषण
बैंकिङ कारोबारका लागि आरटिजिएस प्रणाली खुला रहने
