काठमाडौं । मौसम पूर्वानुमान महाशाखाका अनुसार आज दिउँसो र राति देशका अधिकांश भू–भागमा वर्षा हुने सम्भावना रहेको छ।
महाशाखाका अनुसार हाल नेपालमा मनसुनी वायुको प्रभाव कमजोर अवस्थामा छ भने मनसुनको न्यून चापीय रेखा औसत स्थानको दक्षिणतर्फ अवस्थित छ।
आज दिउँसो कोशी प्रदेश, बागमती प्रदेश, गण्डकी प्रदेश, कर्णाली प्रदेश र सुदूरपश्चिम प्रदेशमा सामान्यतया बदली रहनेछ। बाँकी प्रदेशहरूमा भने आंशिक बदलीको सम्भावना छ। यी पाँचवटै प्रदेशका पहाडी भू–भागका केही स्थानमा र अन्य प्रदेशका थोरै स्थानमा मेघगर्जन र चट्याङसहित हल्कादेखि मध्यम वर्षा हुन सक्नेछ।
त्यस्तै आज राति कोशी, मधेश र बागमती प्रदेश लगायत देशका पहाडी भू–भागमा सामान्य बदली रहनेछ। बाँकी क्षेत्रहरूमा भने आंशिक बदली रहनेछ। कोशी, मधेश र बागमतीका केही स्थानमा र अन्य प्रदेशका थोरै स्थानमा मेघगर्जन र चट्याङसहित हल्कादेखि मध्यम वर्षा को सम्भावना रहेको महाशाखाकाले जनाएको छ।
कोशी प्रदेशको पहाड र तराई, साथै मधेश प्रदेशका एक–दुई स्थानमा भारी वर्षा को पनि सम्भावना रहेको छ।
थप समाचारहरु
सिन्धुपाल्चोक केन्द्रविन्दु भएर ६.१ रेक्टर स्केलको भूकम्प
सभापति देउवाद्वारा ग्याल्पो ल्होसारको शुभकामना सन्देश
राष्ट्रियसभाबाट पाँचवटै प्रतिस्थापन विधेयक बहुमतले पारित
खेर गएका मोबाइल सेट पुनःप्रयोगमा ल्याउने व्यवसाय फस्टाउँदो
कांग्रेसका नेताहरूले स्व.तीर्थराम डंगोलको जीवनबाट प्रेरणा लिनुपर्नेमा जोड
प्रतिनिधिसभा बैठक बस्दै, नीति, कार्यक्रममाथि छलफल जारी रहने
