इन्जिनियरिङ अध्ययन संस्थानको आन्दोलनका थप कार्यक्रमहरु सार्वजनिक

काठमाडौं । इन्जिनियरिङ अध्ययन संस्थान (इ.अ.स.) अन्तर्गतका सम्पूर्ण एकाइहरू, त्रिभुवन विश्वविद्यालय प्राध्यापक संघ, तथा सम्बन्धित वैचारिक संघ–संगठनहरूले संयुक्त रुपमा गरेको आन्दोलनका आगामी चरणका थप कार्यक्रमहरू सार्वजनिक गरेको छ ।

बुधबार काठमाडौंमा पत्रकार सम्मेलनको आयोजना गर्दै संयुक्त आयोजनामा सञ्चालित आन्दोलनका गतिविधिहरू र आगामी चरणका थप कार्यक्रमहरू सार्वजनिक भएको हो ।

सोही क्रममा प्राध्यापक संघको सदस्य प्रा. डा. संगीता सिंहले हालसम्म उपकुलपतिसमक्ष कर्मचारी प्रमुखमार्फत ध्यानाकर्षणसहितको मागपत्र बुझाइएको, कालोपट्टीसहितको धर्ना कार्यक्रम, इ.अ.स. अन्तर्गत विभिन्न पदमा कार्यरत पदाधिकारीहरूबाट सामूहिक स्वैच्छिक राजीनामा जस्ता प्रमुख आन्दोलनात्मक गतिविधिहरू भएको जानकारी दिएकी छन् ।

उनले मागहरू पूरा नभएसम्म सम्पूर्ण शैक्षिक गतिविधिहरू (पठनपाठन, परीक्षा आदि) बन्द गर्ने निर्णय भएको पनि बताईन् ।

साथै, इन्जिनियरिङ अध्ययन संस्थानका प्रमुख मागहरु भनेको इन्जिनियरिङ अध्ययन संस्थानमा २०५५ सालदेखि कार्यान्वयनमा रहेको विकेन्द्रीकरण र स्वायत्तताको निरन्तरता सुनिश्चित गरियोस् र संस्थाको आर्थिक, शैक्षिक र प्रशासनिक स्वायत्ततामाथि गरिने कुनै पनि प्रकारको हस्तक्षेप तुरुन्त खारेज गरियोस् भन्ने हुन् ।

सिंहले इन्जिनियरिङ अध्ययन संस्थानको स्वायत्तता रक्षा गर्नु केवल एउटा संस्थाको हकको विषय नभई सम्पूर्ण मुलुकको प्राविधिक भविष्यको संरक्षण गर्ने साझा जिम्मेवारी भएको पनि उनको भनाई छ ।

उनले सम्पूर्ण सरोकारवाला, नीति निर्माताहरू, विद्यार्थी, शिक्षक, अभिभावक तथा आम नागरिकहरूलाई यो संघर्षमा ऐक्यबद्धता जनाउन र संस्थागत स्वायत्तता, पारदर्शिता तथा जवाफदेहितासहितको गुणस्तरीय प्राविधिक शिक्षा प्रणाली निर्माणमा साथ दिन अपिल पनि गरेकी छन् ।

थप समाचारहरु

अन्नपूर्ण क्षेत्रलाई केन्द्रविन्दू बनाएर भूकम्प प्रादेशिक र स्थानीय सडक सुधार परियोजना समयमै सम्पन्न गर्नुपर्ने मेडिकल कलेज तथा सरकारी अस्पताललाई शुल्क विवरण सार्वजनिक गर्न स्वास्थ्य मन्त्रालयको परिपत्र, ‘१८ महिनापछि देउवा प्रधानमन्त्री, ०८४ सम्म यही समीकरण टिक्छ’ स्वास्थ्य सेवा ऐन ल्याउने तयारी कृषि विकास बैंकले किसानलाई केन्द्रमा राखेर काम गर्नुपर्छ : उपप्रधान तथा मन्त्री सिंह