काठमाडौं । कतारको रस लाफ्फान औद्योगिक शहरमा रहेको एक कारखानामा प्राविधिक गडबडीका कारण विस्फोट र आगलागी भएको छ । घटनामा ५४ जना घाइते भएका छन् भने १८ जना बेपत्ता रहेको कतारको गृह मन्त्रालयले जनाएको छ ।
मन्त्रालयका अनुसार, घटनापछि कतार इन्टरनेशनल सर्च एण्ड रेस्क्यु समूह (लख्विया) तथा सिभिल डिफेन्स टोलीहरू खोज तथा उद्धार कार्यमा निरन्तर खटिएका छन् । घटनापछि सामाजिक सञ्जाल ‘एक्स’ मा सार्वजनिक गरिएको प्रारम्भिक सूचनामा मन्त्रालयले औद्योगिक क्षेत्रमा रहेको कारखानामा प्राविधिक समस्या हुँदा आन्तरिक विस्फोट र आगलागी भएको जनाएको थियो ।
पछि गरिएको अद्यावधिक विवरणमा घाइतेको संख्या बढेर ५४ पुगेको पुष्टि गरिएको छ भने बेपत्ताहरूको खोजी कार्य जारी रहेको उल्लेख छ ।
कतार ऊर्जा कम्पनीका अनुसार, बार्जान स्थानीय ग्यास आपूर्ति सुविधामा सञ्चालन सुरु गर्ने क्रममा प्राविधिक समस्या आएपछि विस्फोट र आगलागी भएको हो । उक्त घटना आइतबार साँझ भएको बताइएको छ । कम्पनीले आपतकालीन प्रतिक्रिया टोली तत्काल परिचालन गरी आगो नियन्त्रणमा लिइएको र अहिले स्थिति नियन्त्रणमा रहेको जनाएको छ । अधिकारीहरूले घटनाबाट कुनै पनि ग्यास चुहावट वा सार्वजनिक सुरक्षामा खतरा नरहेको स्पष्ट पारेका छन् । साथै घटनाको विस्तृत अनुसन्धान भइरहेको पनि जनाइएको छ ।
थप समाचारहरु
एनसीसी अमेरिकाको सहमति कार्यान्वयन गराउन आरसी पराजुलीले गरे अपिल
इजरायल द्वारा सिरियाली राष्ट्रपति दरबार क्षेत्रमा आक्रमण
प्रधानमन्त्री ओली र भियतनामका प्रधानमन्त्री चिङबीच भेटवार्ता
अमेरिकालाई सैन्य आधार प्रयोग गर्न बेलायतको अनुमति, इरानविरुद्ध आक्रामक कारबाहीमा भने सहभागी नहुने
साउदी तेल केन्द्र र बहराइन बन्दरगाहमा आक्रमण, क्षेत्रीय युद्धको जोखिम बढ्यो
इरानद्वारा पाकिस्तानमार्फत अमेरिकासमक्ष नयाँ शान्ति प्रस्ताव पेश
