जनकपुर । निर्वाचन आयोगका निर्वाचन आयुक्त सगुन सम्शेर जवराले आसन्न निर्वाचनमा प्रत्यक्ष अप्रत्यक्ष रुपमा सहभागी हुने सम्पूर्ण सरोकारवालाहरुलाई निष्पक्ष भएर लाग्न आग्रह गरेका छन् ।
निर्वाचन आयोग, नेपाल र नेपाल कानून समाजद्वारा सोमबार जनकपुरधाममा आयोजित निर्वाचन आचार संहिताको प्रभावकारी कार्यान्वयन र सरोकारवालाहरुको भूमिका नामक छलफल कार्यक्रममा बोल्दै आयुक्त जवराले आचारसंहिताको पालन गर्न र गराउन सबैजनाको सहयोग आवश्यक रहेकोमा जोड दिएका छन् ।
आयुक्त जवराले निर्वाचनमा सहभागी हुने राजनीतिक दल, नागरिक समाज, सञ्चारकर्मी, सुरक्षा निकाय, उम्मेदवार, कर्मचारी, संघ संस्थाहरुलाई कुनै पनि काम गर्दा आचारसंहितालाई ध्यानमा राखी गर्न आग्रह गरे ।
उनले आचारसंहिताको मुख्य उद्देश्य मतदाताले स्वतन्त्र निर्णय गर्न सक्नु, निर्वाचन स्वच्छ, भयरहित, स्वतन्त्र, निश्पक्ष वातावरणमा सम्पन्न हुन सक्नु र सबै राजनीतिक दल र उम्मेदवारलाई समान प्रतिस्पर्धाको वातावरण सृजना गर्नु रहेको जानकारी दिए ।
उनका अनुसार निर्वाचनमा हुन सक्ने कुनै पनि अनैतिक आचरण र व्यवहारलाई सम्बोधन गर्नका निम्ति तयार गरिएको दस्तावेज नै आचारसंहिता हो । उनले सो दिशा निर्देशनलाई आत्मसाथ गरी सबैले निर्वाचन शान्तिपूर्ण वातावरणमा सम्पन्न गर्न आग्रह गरे ।
कार्यक्रममा मधेश प्रदेशका मुख्यमन्त्री कृष्ण प्रसाद यादवले हाल देशमा सृजना भएको विषम परिस्थितीलाई चिर्दै अमन र शान्ति कायम गर्न निर्वाचन अति आवश्यक रहेको धारणा राखे ।
मुख्यमन्त्री यादवले मुलुकलाई सहि दिशामा फर्काउन निर्वाचन आवश्यक रहेको र सहि तरीकाले निर्वाचन सम्पन्न गर्न आचारसंहिता पालना गर्नु मात्रै विकल्प रहेको बताए । कार्यक्रममा विभिन्न दलका उम्मेदवार, सञ्चारकर्मी, नागरिक समाज र सुरक्षा निकायका पदाधिकारीहरुको उपस्थिती रहेको थियो ।
थप समाचारहरु
आईसीसी टी–२० विश्वकप छनोटको दोस्रो अभ्यास खेलमा नेपालको जित
विश्वकप छनोट : नेपाल समूहको अन्तिम खेलमा जापानसँग भिड्दै
विश्वकप छनोट : कतारसँग नेपाल ५ रनले विजयी
बिपी राजमार्गमा रातको समयमा सवारी आवागमन निषेध
नेपाल प्रिमियर लिग : आज लुम्बिनी लायन्स र चितवनबीच प्रतिस्पर्धा हुँदै
पोखराविरुद्ध काठमाण्डुले पहिला ब्याटिङ गर्दै
