भादगाउँ, २ माघः जिल्लाको सूर्यमढीमा आज धार्मिक महत्त्वको तान्त्रिक विधियुक्त प्रसिद्ध नवदुर्गा देवगणको ङालाकेगु जात्रा माछा मार्ने जात्रा हुने भएको छ । हरेक वर्ष भक्तपुर नगरपालिकाको २१ स्थानमा प्रदर्शन हुने जात्रा सूर्यमढीबाट सुरु गर्ने परम्परा छ ।
सूर्यमढीमा जात्रा गर्नुअघि गत पुस मसान्तको दिन ‘वापी पाछाकिगु जात्रा गरिएको थियो भने माघे सङ्क्रान्तिको साँझ देवगणले सूर्यमढी टोल परिक्रमा गरी राति खःप्याखं नाच प्रदर्शन गरी च्याम्हासिंह क्षेत्रमा ‘मुःवाहा जात्रा’ गरिएको थियो । जात्राका क्रममा जात्रा हुने स्थानमा टोल परिक्रमा सकेपछि राति ङालाकेगु स्थानमा सम्पूर्ण देवगणहरूको खःप्याखं प्रदर्शनी, मुःवाहा जात्रा र चाःप्याखं रात्रि नाच हुने परम्परा रहेको छ ।
नवदुर्गा देवगण जात्रा तथा मन्दिर व्यवस्थापन संस्थाका सल्लाहकार नारायण वनमालाले त्यहीअनुसार आज सूर्यमढीमा बाराही प्याखंस सिम्ह दुम्हको प्याखं तथा ङालाकेगु जात्रा हुने बताए । उनका अनुसार आज दिउँसो महाकाली प्याखंस साँझ महाकाली र श्वेत भैरवको ‘गा तोकेगु प्याखं’ खास्तो निकाल्ने नाच, हुन्छ । त्यसपछि सिम्ह दुम्ह र श्वेत भैरवको ‘ना होलेगु प्याखं’ पानी निकाल्ने नाच सँगै श्वेत भैरवको ङालाकेगु जात्रा हुनेछ ।
ङालाकेगु जात्रा सकेपछि सिम्ह दुम्ह र श्वेत भैरवको ‘प्वास्याकेगु प्याखं’ पेट दुखाउने नाच, बालकुमारी इन्द्रायणी, र श्वेत भैरवको ‘मतिना प्याखं’ मायाको नाच सिम्ह दुम्ह र श्वेत भैरवको वस हियेगु प्याखं लुगा धुने नाच र अन्तमा श्वेत भैरवको प्याखं प्रदर्शनी हुने वनमालाले जानकारी दिए ।
थप समाचारहरु
क्रिसमस डेका लागि गीत तयार, अभिषेक र विनाले गरे अभिनय
चलचित्र ‘कर्मा’ को फस्टलुक पोस्टर सार्वजनिक
राष्ट्रिय बाल नाटक महोत्सव तथा बाल लघुचलचित्र प्रदर्शन शुभारम्भ
नेपालको पहिलो हरित विद्यालय बज्र एकेडेमीमा ‘हरित रामायण’ नाटक मञ्चन
नेपाल अन्तर्राष्ट्रिय चलचित्र महोत्सवको तयारी पूरा
विदाइको बेला हुने रुवाबासी गीतमा
