तनहुँका पालिकामा खेलकुद उत्सव

दमौली तनहुँ, २८ कात्तिकः जिल्लाका विभिन्न पालिकामा जारीे राष्ट्रपति रनिङ शिल्ड प्रतियोगिताले यहाँका खेलप्रेमी विद्यार्थी उत्साहित भएका छन् । जिल्लाका दश पालिकामध्ये केहीमा प्रतियोगिता सम्पन्न भएका छन्भने केहीमा खेल हुँदै छन् ।

पर्याप्त खेलकुद पूर्वाधारका नभए पनि स्थानीय तहले रनिङ शिल्ड प्रतियोगिता सुरु गरेका बताउँदै भने जिल्लाका सबै पालिकामा रनिङ शिल्ड प्रतियोगिता सम्पन्न भएपछि जिल्लास्तरीय प्रतियोगिता दमौलीमा आयोजना गर्छौ । पालिकास्तरीय प्रतियोगिताले जिल्लामा खेलकुद उत्सवको वातावरण बनेको छ ।

बन्दीपुरको उपाधि पवित्रा माविलाई

बन्दीपुर गाउँपालिकाले आयोजना गरेको राष्ट्रपति रनिङ शिल्ड प्रतियोगिताको उपाधि बन्दीपुर गाउँपालिका–१ स्थित पवित्रा माध्यमिक विद्यालयले जितेको छ । टुँडिखेलमा बिहीबार सम्पन्न प्रतियोगितामा २३ पदक सहित पवित्राले उपाधि जितेको हो ।

पवित्रा माध्यमिक विद्यालयले १६ स्वर्ण, दुई रजत र पाँच कास्य पदक जितेको बन्दीपुर गाउँपालिकाका शिक्षा शाखा प्रमुख भीम लामिछानेले जानकारी दिए।

प्रतियोगितामा भानु माध्यमिक विद्यालय १८ पदक सहित द्वितीय भएको छ । भानुले चार स्वर्ण, पाँच रजत र नौ कास्य जितेको छ । मनास्लु बोर्डिङ स्कूल १४ पदक सहित तृतीय भएको छ । मनास्लुले चार स्वर्ण, पाँच रजत र पाँच पदक जितेको हो ।

भानुको उपाधि होमराजलाई

भानु नगरपालिकाले आयोजना गरेको नगरस्तरीय साताँै राष्ट्रपति रनिङ शिल्ड प्रतियोगिताको उपाधि होमराज लोहनी शारदा शिक्षा सदनले जितेको छ । प्रतियोगितामा ११ पदकका साथ होमराजले उपाधि हात पारेको हो । होमराजले पाँच स्वर्ण, दुई रजत र चार कास्य पदक जितेको छ ।

प्रतियोगितामा जयबुद्ध माध्यमिक विद्यालय द्वितीय भएको छ । जयबुद्धले तीन स्वर्ण, पाँच रजत र एक कास्य पदक जितेको छ । राष्ट्रिय माध्यमिक विद्यालय तृतीय हुँदा उसले तीन स्वर्ण, तीन रजत र दुई कास्य पदक जितेको छ ।

यसैबीच,व्यास नगरपालिकाको आयोजना र निर्मल माध्यमिक विद्यालयको व्यवस्थापनमा नगरस्तरीय रनिङशिल्ड आगामी सोमबार मङ्गलबार १ र २ गते निर्मल माध्यमिक विद्यालयको मैदानमा हुने भएको छ ।

थप समाचारहरु

प्रधानमन्त्री प्रचण्ड दिल्लीमा, भारतीय राज्यमन्त्री लेखीले गरिन् स्वागत

विश्व वातावरण दिवसको अवसरमा सिद्धार्थ बैंकद्वारा विविध कार्यक्रम

सूचना विभाग दर्ता नं.