सुर्खेत । कर्णाली प्रदेशका मुख्यमन्त्री यामलाल कँडेल संविधानको प्रभावकारी कार्यान्वयनबाट नै नागरिकका अधिकारहरुको संरक्षण गर्न सकिने बताएका छन् ।
संविधान दिवस तथा राष्ट्रिय दिवसको अवसरमा आयोजित बिशेष समारोहलाई सम्बोधन गर्दै मुख्यमन्त्री कँडेलले संविधानले प्रत्याभुती गरेका नागरिक अधिकार कार्यान्वयन गर्न तीनै तहका सरकार प्रयासरत रहेको बताए ।
मुलुकमा नयाँ संविधान जारी भएको एक दशक बितिसक्दा पनि नागरिकहरुले संविधान पदत्त अधिकार प्राप्त गर्न नसकेको भन्दै असन्तुष्टि बढेको उनले बताए । ‘राजनीतिक परिवर्तनपछि आर्थिक परिवर्तन हुन केही समय पक्कै लाग्छ नै’ उनले भने, ‘नेपालले पनि विकासको गतीमा बिस्तारै फड्को मारिरहेको छ ।’
सबैको एकताबद्ध प्रयासमाट मात्रै मुलुकले बिकासको मार्ग पहिल्याउन सक्ने उनको विश्वास छ ।
संविधान कानुनी सिद्धान्तमा आधारित राजनीतिक सहमतिको दस्तावेज भएको उल्लेख गर्दै मुख्यमन्त्री कँडेलले भ्रष्टाचार नियन्त्रण, सुशासन तथा स्थिर सरकार जस्ता मागहरू लिएर सडकमा आएको जेन–जी पुस्ताको प्रदर्शनपछि देशैभरि भएका आगजनी, हिंसा र लुटपाटका घटनाले गम्भीर चुनौती उत्पन्न भएको बताए । पछिल्लो घटनाक्रमले मुलुकलाई फेरी दशकौं पछाडि धकेल्ने प्रयन्न भएको उनको भनाई छ ।
कँडेलले संघीयता, लोकतन्त्र, समावेशी समानुपातिक व्यवस्था लगायतका महत्त्वपूर्ण उपलब्धिमाथि प्रहार गर्ने नियतले गरिएका असंवैधानिक एवम् अराजक गतिविधिले सबै चिन्तित बन्नुपर्ने अवस्था आएको बताए ।
कर्णाली प्रदेश प्रमुख यज्ञराज जोशीको प्रमुख आतिथ्यतामा आयोजित कार्यक्रममा पूर्वमुख्यमन्त्री जीवन बहादुर शाहीले संविधान जोगाएर नागरिकका अधिकारको रक्षाका लागि जेन–जी पुस्ताको मागहरु सम्बोधन गरी राजनीतिक दलहरुबीच एकता र सहकार्य जरुरी भएको बताए ।
थप समाचारहरु
राप्रपाले भोली भ्रष्टाचार विरुद्धको प्रदर्शन सहित आयोगमा ज्ञापनपत्र बुझाउने
रास्वपा र राप्रपाद्वारा आज पनि संसद् बैठक बहिस्कार
भारत र चीनले नेपालको भूमि प्रयोग गर्नेगरी भएको व्यापारिक सम्झौता खारेज गर्न माग
राप्रपा मकवानपुर क्षेत्र नं. १ को अध्यक्ष पदका लागि उमेश थापाको दावेदार
सुमना श्रेष्ठले मागिन् प्रधानमन्त्रीको राजीनामा
राष्ट्रपतिसमक्ष लोक सेवा आयोगको वार्षिक प्रतिवेदन पेस
