डा.राउतलाई चुनौति दिएका जनमतका ६ नेता पार्टी त्यागे

काठमाडौं । जनमत पार्टीका ६ जना नेताले आफ्नो पदबाट राजीनामा दिएका छन् ।

राजीनामा दिनेमा पार्टीका वरिष्ठ उपाध्यक्ष अब्दुल खान, प्रवक्ता डा.शरदसिंह यादव, जनमत युवा संघका केन्द्रीय संयोजक संजयकुमार यादव, स्वास्थ्यकर्मी जनमत संघका केन्द्रीय संयोजक सीके सिंह, सुदूरपश्चिम वरिष्ठ प्रदेश इन्चार्ज राजाराम चौधरी र राष्ट्रिय परिषद् सदस्य तथा केन्द्रीय सदस्य विक्रमबहादुर बम रहेका छन् ।

उनीहरुले आज सामूहिक राजीनामापत्र जारी गर्दै भनेका छन् ‘हामीले माग गरेको राजीनामा पत्रलाई तपाईंले अपहेलना गरी जेनजी पुस्ताले बगाएका रगतको अपमान गरी उल्टै नेता–कार्यकर्ताहरूलाई अहंकारको भाषामा आफ्नो आधिकारिक फेसबुकमार्फत धारणा सार्वजनिक गरिसकेपछि हाम्रो ध्यानाकर्षण भएको छ । त्यसैले आधार मानी आजैको मितिदेखि साधारण सदस्य समेत नरहने गरी पार्टीबाट राजीनामा गर्दछौँ ।’

राजीनामा दिने ६ जना नेताले हिजोमात्र पार्टीका अध्यक्ष डा.सिके राउतलाई अध्यक्ष पदबाट राजीनामा दिन २४ घण्टे अल्टिमेटम दिएका थिए । तर आज उनीहरुलेले स्वयम राजीनामा दिएका हुन ।

थप समाचारहरु

राप्रपाले भोली भ्रष्टाचार विरुद्धको प्रदर्शन सहित आयोगमा ज्ञापनपत्र बुझाउने रास्वपा र राप्रपाद्वारा आज पनि संसद् बैठक बहिस्कार मातृभाषामा पत्रकारिताले अभिव्यक्ति तथा प्रेस स्वतन्त्रताको अभ्यासलाई बलियो बनाउँछ : सभामुख घिमिरे भारत र चीनले नेपालको भूमि प्रयोग गर्नेगरी भएको व्यापारिक सम्झौता खारेज गर्न माग राप्रपा मकवानपुर क्षेत्र नं. १ को अध्यक्ष पदका लागि उमेश थापाको दावेदार सुमना श्रेष्ठले मागिन् प्रधानमन्त्रीको राजीनामा