काठमाडौं । नेपाल बैंकर्स संघका उपाध्यक्ष सुरेन्द्रराज रेग्मीले नेपालमा एउटै काम गर्नको लागि चार, पाँच ठाँउ धाउनुपर्ने बताएका छन् ।
हिजो मंगलबारदेखि सुरु भएको नाडा अटोशोको प्यानल डिसकशनमा उनले एउटै कामको लागि चार, पाँच ठाँउ धाउनुपर्ने अवस्था आएपनि यसबाट समय र श्रम दुवै खर्च हुने भन्दै यो विषयमा गम्भिर हुनुपर्ने बताए ।
उनले भने, ‘सानोतिनो कारणले गर्दा काम ढिला हुने भयो भने यसले कसैलाई राम्रो हँुदैन् । यसलाई अलि सरल तरिकाले अगाडि बढाएर लानुपर्छ जस्तो लाग्छ । नेपाल सरकारले कामहरु एकै स्थानबाट सहज रुपमा सम्पन्न गर्न सक्ने वातावरण मिलाउनुपर्छ, किनभने प्रयोगकर्ताहरुलाई त छिटो भए हुन्थ्यो भन्ने हुन्छ । हामीले समयको महत्व नै बुझेका छैनौँ जस्तो लाग्छ । एउटै कामको लागि कोही मान्छे चार, पाँच ठाँउ धाउनुपर्छ । यसबाट समय र श्रम दुवै खर्च हुन्छ, एकै ठाँउबाट काम हुने हो भने त्यो समय त हामीले अन्य कामको लागि प्रयोग गर्न सक्छौँ नि ।’
यस्तै, उनले समस्या एकातिर तर देशको नीति अर्को तिर भएको नीति र समस्या बीच तालमेल नै नभएको भन्दै यो विषयमा सरोकारवालाहरुले पनि अलि गम्भिर भएर हेर्नुपर्ने बताए ।
थप समाचारहरु
तीन महिनामै १७.५ प्रतिशत बढ्यो सेयर कर्जा
राष्ट्र बैंकद्वारा ५० करोडको निक्षेप संकलनका लागि आवेदन आब्हान
बालुवाटारबाट थापाथली सरे राष्ट्र बैंकका दुई प्रमुख विभाग
सहकारीसम्बन्धी अध्यादेश जारी
कृषि विकास बैंकले मनायाे स्थापनाको ५८ औँ वार्षिकाेत्सव (फाेटाेफिचर)
मौद्रिक नीति सार्वजनिक गर्ने तयारी, फेसबुक र युट्युबबाट प्रत्यक्ष प्रशारण गरिने
