निजी क्षेत्रलाई प्रोत्साहन गर्न गम्भिर भएर लागेका छौं : मन्त्री पाण्डे

काठमाडौं । संस्कृति, पर्यटन तथा नागरिक उड्डयन मन्त्री बद्री पाण्डेले निजी क्षेत्रलाई प्रोत्साहन गर्ने कुरामा गम्भिर भएर लागेको बताएका छन् ।

बुधबार कलंकी होटल एण्ड गेष्ट हाउस एसोशियसनको १३ औं वािर्षक साधारण सभाको उद्घाटन गर्दै उनले पर्यटन क्षेत्रमा निजी क्षेत्रको भूमिका महत्वपूर्ण भएको भन्दै निजी क्षेत्रलाई लगानी गर्नको लागि सहज वातावरण बनाउनु पर्ने बताए ।

उनले भने, ‘निजी क्षेत्रलाई कसरी प्रोत्साहन गर्ने भन्ने कुरामा म धेरै नै गम्भिर भएर लागेको छु । निजी क्षेत्र शिक्षा क्षेत्रमा आयो भने शैक्षिक माफिया भन्छौ, अस्पताल चलाउन आए स्वास्थ्य माफिया भन्छौ । माफिया भनेको के हो त्यसको अर्थ थाहा नभई त्यो शब्दको दुरुपयोग भईरहेको छ । निजी क्षेत्रलाई लगानी गर्ने वातावरण हामीले बनाई दिनु पर्छ । नीति त्यस्तो सहज बनाउनु पर्छ, जसले गर्दा निजी क्षेत्रलाई सहज होस् । मेरो मन्त्रालय त झन् निजी क्षेत्रको सहयोगबिना चल्दै चल्दैँन् ।’

यस्तै, उनले होटल व्यवसायको क्षेत्रमा महिलाको सहभागिता एकदमै न्यून भएको भन्दै यो संख्यालाई बढाउने र स्वंम महिलाहरुले नेतृत्व गरेर यो क्षेत्रमा आफूलाई लगानीकर्ताको रुपमा अगाडि ल्याउने वातावरण दिन सबै लाग्नु पर्ने बताए ।

उनले भने, ‘यो क्षेत्रमा महिला व्यवसायीहरु कति हुनुहुन्छ भनेर हेर्ने हो भने धेरै हुनुहुन्न कम नै हुनुहुन्छ । महिलाको संख्यामा कमि छ । यो संख्यालाई बढाउने र स्वंम महिलाहरुले नेतृत्व गरेर यो क्षेत्रमा आफूलाई एउटा सञ्चालकको रुपमा, लगानीकर्ताको रुपमा अगाडि ल्याउने वातावरण दिन हामी सबै लाग्नु पर्छ । उहाँहरु आउदा यो क्षेत्र अझ राम्रो हुन्छ जस्तो लाग्छ किनभने यो क्षेत्र भनेको आतिथ्यताको क्षेत्र हो । यो क्षेत्रमा जति सुकै पुरुषले काम गरेपनि महिलाहरुले जति आतिथ्यता पुरुषले दिन सकिरहेको छैन् । त्यो देखिएको छैन् । त्यसैले आतिथ्यता, सत्कारको क्षेत्रमा महिलाहरु जति आउनु भयो त्यती नै यो क्षेत्रले प्रगती गर्न सक्छ जस्तो लाग्छ ।’

साथै, जति धेरै होटलहरुमा आकर्षण थप्न, मानिसलाई होटलमा बस्ने, खाने वातावरण मिलाउन सकिन्छ त्यति नै पर्यटन क्षेत्रको विकास र विस्तार सम्भव रहेको पनि उनको भनाई छ ।

थप समाचारहरु

माओवादी केन्द्रीय समितिको छैठौं बैठक : दोस्रो दिन ८० जनाले राखे धारणा व्यवस्था बदलिए पनि जनताको अवस्था बदल्न सकेका छैनौँ : प्रचण्ड ‘पूर्वविशिष्टहरु पदमा हुँदा पनि लुट्ने, रिटायर्ड भएपछि पनि लुट्ने ?’ मौलिक र वास्तविक मूल्याङ्कनबाट मात्र राष्ट्रिय सुरक्षालाई सुदृढ तुल्याउन सकिन्छः प्रधानसेनापति गण्डकी प्रदेश सरकारले ‘राइड शेयरिङ’ नियमावली स्थगन गरेपछि मात्र गाडि चल्ने विद्यालय शिक्षा विधेयकका प्रावधान पुनर्विचार गर्न राष्ट्रपति समक्ष नेशनल प्याब्सनको माग