काठमाडौं । पशुपति क्षेत्रमा विगत लामो समयदेखी रोकिएको ऐतिहासिक लाखे झ्यालिन्छ नाच श्रावण शुक्ल पञ्चमीदेखि सुरू भएको छ । जयवागेश्वरी, देवपत्तनमा ऐतिहासिक लाखे झ्यालिन्छ नाचको पुनःरुत्थान गरिएको भण्डार तहविलका द्वारे रामकृष्ण डंगोलले बताए ।
उनले लामो समयदेखी रोकिएको नाचको स्थानीय संस्कृति तथा सम्पदाप्रेमीहरूको सक्रियताबाट पौराणिक र नेवारी संस्कृति झल्काउने नाचलाई पुनर्जीवन दिइएको बताए ।
श्रावण शुक्ल पञ्चमीदेखि भाद्र कृष्ण सप्तमीसम्म १७ दिन यो नाच सञ्चालन हुनेछ । पशुपति क्षेत्रमा प्रस्तुत गरिने लाखे नाचले भूतप्रेत नलागोस्, मरेका आत्माले दुःख नदिऊन् र मृतकको आत्माले चिरशान्ति पाओस् भन्ने कामनाका साथ स्थानीयहरूको अनुरोधमा घर–घरमा समेत प्रदर्शन गरिने प्रचलन रही आएको छ ।
विगतमा लामो समयदेखी रोकिएको ऐतिहासिक परम्परा केहि वर्ष अगाडीबाट शुरूवात भएको हो । यो परम्परालाई निरन्तरता दिने कामपा ८ का वडाअध्यक्ष आशामान संगत, स्थानीयवासी, संस्कृति तथा सम्पदा प्रेमीहरूको प्रतिबद्धता रहेको छ ।
थप समाचारहरु
पशुपतिनाथ दर्शनमा श्रावण महिनाभर विशेष व्यवस्था, यस्तो छ तयारी
पर्वहरूको मौलिकता जोगाउनु सामूहिक दायित्व र जिम्मेवारी हो : सभापति देउवा
आज गाईजात्रा, देशभर विभिन्न कार्यक्रको आयोजनागरी मनाइँदै
तिजले छोप्यो, चुरा–पोतेको व्यापार चम्कियो
नेपालमा भएको हिंसा हृदयविदारक, शान्ति कायम गर्नुहोस्स् भारतीय प्रधानमन्त्री
काठमाडौंबाट दसैं यात्रा : गाउँ फर्किंदा कोही उत्साहित, कोही चिन्तित
