ललितपुर । कीर्तिपुर–६ स्थित ऐतिहासिक टौदह पोखरीमा सोमबार नागपञ्चमीको अवसरमा श्रद्धालुहरूको उल्लेख्य उपस्थिति देखिएको छ ।
बिहानैदेखि पूजाका सामग्रीसहित भक्तजनहरू नाग देवताको पूजा गर्न टौदहमा जम्मा भएका थिए । रंगीचंगी झण्डाहरूले सजिएको पूजास्थलमा श्रद्धालुहरूको भीड देखिन्छ । पूजा गरिरहेका, जल चढाइरहेका र प्रसाद ग्रहण गरिरहेका दृश्यहरू नागपञ्चमीको धार्मिक र सांस्कृतिक महत्व झल्काउँछन् ।
पोखरीको बीचमा रहेको पञ्चमुखी नागको मूर्तिले नाग देवताको प्रतीकको रूपमा टौदहको धार्मिक महत्त्व दर्शाउँछ । यही मूर्तिलाई लक्षित गर्दै भक्तजनहरूले पूजा आराधना गर्ने गर्छन् ।
नागपञ्चमीका दिन नाग देवताको पूजा गरी घरमा सुख, समृद्धि, र सर्पदंशबाट बच्ने विश्वास गरिन्छ। काठमाडौं उपत्यकाका प्रमुख नागस्थानहरूमा विशेष पूजाआजा गरिन्छ, जसमा टौदह एक प्रमुख स्थल हो ।
थप समाचारहरु
इ–नेवल नेपालद्वारा अमेरिकन प्रविधिबाट निर्मित कृतिम हात निःशुल्क वितरण
माओवादी केन्द्रीय समितिको छैठौं बैठक : दोस्रो दिन ८० जनाले राखे धारणा
नेपाल र भारतबीच अन्तरदेशीय प्रसारण लाइन निर्माणको ‘मोडालिटी’मा सहमति
सीमा क्षेत्रमा कडाइ गर्न पोल्ट्री व्यवसायीद्वारा गृहमन्त्रीलाई ज्ञापनपत्र
‘पूर्वविशिष्टहरु पदमा हुँदा पनि लुट्ने, रिटायर्ड भएपछि पनि लुट्ने ?’
माग सम्बोधन गर्न भूमि समस्या सामाधान आयोगलाई आग्रह
