हेटौंडा । राष्ट्रिय प्रजातन्त्र पार्टी (राप्रपा), मकवानपुर प्रतिनिधि सभा क्षेत्र नं. २ र प्रतिनिधि सभा क्षेत्र नं. २ ‘क’ अन्तर्गतको क्षेत्रीय अधिवेशन भव्य रुपमा सम्पन्न भएको छ।
पुर्वाधार विकास समिति सभापति एवं प्रतिनिधि सभा सांसद माननीय दीपकबहादुर सिंहको प्रमुख आतिथ्यमा सम्पन्न उक्त अधिवेशनमा सिंहले जनताबाट प्रत्यक्ष निर्वाचित कार्यकारी राष्ट्र प्रमुख प्रणाली आवश्यक रहेको धारणा व्यक्त गरे।
उनले वर्तमान शासन प्रणालीले जनताको प्रत्यक्ष भावना र इच्छालाई सम्बोधन गर्न नसकेको भन्दै अबको राजनीतिक मार्गदर्शन प्रत्यक्ष कार्यकारी राष्ट्र प्रमुख प्रणालीबाट मात्र सम्भव हुने उल्लेख गरे।
अधिवेशनमा विभिन्न तहका नेतृत्व सर्वसम्मत रूपमा चयन गरिएको छ। प्रतिनिधि सभा क्षेत्र नं. २ बाट अध्यक्षमा राम थोकर निर्वाचित हुनुभएको छ भने प्रदेश सभा क्षेत्र नं. २ (क) का अध्यक्षमा नविन रायमाझी चयन हुनुभएको छ।
यसैगरी, थाहा नगर महिला संगठनको अध्यक्षमा वसुन्धरा पुडासैनी सर्वसम्मत चयन हुनुभएको छ।
कार्यक्रममा पार्टीका स्थानीय नेता, कार्यकर्ता, विभिन्न तहका जनप्रतिनिधि, र बुद्धिजीवीहरूको बाक्लो उपस्थिति थियो। नेताहरूले अधिवेशनलाई संगठन सुदृढीकरण तथा भावी राजनीतिक मार्गचित्र निर्माणको अवसरको रूपमा लिएका थिए।
थप समाचारहरु
माओवादी केन्द्रीय समितिको छैठौं बैठक : दोस्रो दिन ८० जनाले राखे धारणा
व्यवस्था बदलिए पनि जनताको अवस्था बदल्न सकेका छैनौँ : प्रचण्ड
‘पूर्वविशिष्टहरु पदमा हुँदा पनि लुट्ने, रिटायर्ड भएपछि पनि लुट्ने ?’
मौलिक र वास्तविक मूल्याङ्कनबाट मात्र राष्ट्रिय सुरक्षालाई सुदृढ तुल्याउन सकिन्छः प्रधानसेनापति
गण्डकी प्रदेश सरकारले ‘राइड शेयरिङ’ नियमावली स्थगन गरेपछि मात्र गाडि चल्ने
विद्यालय शिक्षा विधेयकका प्रावधान पुनर्विचार गर्न राष्ट्रपति समक्ष नेशनल प्याब्सनको माग
