काठमाडौं । जनता समाजवादी पार्टी (जसपा) नेपालका प्रचार विभाग प्रमुख पूर्ण बस्नेतले पूर्वराष्ट्रपति विद्या भण्डारीको नेकपा (एमाले) को पार्टी सदस्यता प्राप्तिको लडाई अन्त्य भइसकेको बताएका छन् ।
सक्रिय राजनीतिमा फर्कने नदिने एमालेको केन्द्रीय कमिटिको निर्णयका विरुद्ध शुक्रबार पत्रकार सम्मेलनमार्फत भण्डारीले कानूनी उपचारमा जाने वा राजनीतिक लडाईको उद्घोष गर्ने आँकलन भइरहँदा बस्नेतले भण्डारीको पार्टी सदस्यता प्राप्तिको राजनीतिक र कानूनी लडाई अन्त्य भइसकेको दाबी गरेका हुन् ।
बस्नेतले भने, ‘विद्या भण्डारीलाई पार्टीमा नल्याउने भनि एमालेको केन्द्रीय समितिको बैठकले राजनीतिक निर्णय गरिसकेको छ । अब भण्डारी तत्काल एमालेको राजनीतिमा फर्कने कुनै सम्भावना रहेन । जहाँसम्म यसबारे उनले कानूनी उपचारको बाटो खोज्ने कुरा छ । एमालेको केन्द्रीय समितिको बैठकले गरेको निर्णय राजनीतिक मात्र हैन यो पूर्णतः कानूनी निर्णय पनि हो । यसउपर कहीँ कतै पुनरावेदन गर्ने ठाउँ हुँदैन ।’
आगामी एमालेको केन्द्रीय समिति वा महाधिवेशनबाट विद्याबारे निर्णय गर्न सकिने सम्भावना पनि भण्डारीका पछिल्ला गतिविधिले टर्दै गएको बस्नेत बताउँछन् । बस्नेत विद्याको सक्रिय राजनीतिबारे अब एमालेको बैठकको एजेण्डासमेत बन्ने सम्भावना देख्दैनन् ।
सरकारको भ्रष्टाचार, असफलता र अलोकप्रियतालाई छोप्न र रास्वपाको हस्ताक्षर अभियानबाट जनताको ध्यान डाइभर्ट गर्न यो सबै एमालेले जानीबुझी खेलेको खेल र प्रपञ्च होइन भने विद्या भण्डारीको एमाले राजनीतिक जीवनमा लगभग पूर्ण बिराम लागिसकेको बस्नेतको ठोकूवा छ ।
विद्या भण्डारीले पत्रकार सम्मेलन गरेर पोख्ने गुनासो र देखाउने घुर्कीेले केही पार नलाग्ने उनको भनाइ छ ।
थप समाचारहरु
पूर्वराष्ट्रपति भण्डारी पार्टीविरुद्ध यसरी लाग्नुुहोला भन्ने कल्पना गरेको थिइनँः अध्यक्ष ओली
माओवादी केन्द्रीय समितिको छैठौं बैठक : दोस्रो दिन ८० जनाले राखे धारणा
व्यवस्था बदलिए पनि जनताको अवस्था बदल्न सकेका छैनौँ : प्रचण्ड
‘पूर्वविशिष्टहरु पदमा हुँदा पनि लुट्ने, रिटायर्ड भएपछि पनि लुट्ने ?’
मौलिक र वास्तविक मूल्याङ्कनबाट मात्र राष्ट्रिय सुरक्षालाई सुदृढ तुल्याउन सकिन्छः प्रधानसेनापति
गण्डकी प्रदेश सरकारले ‘राइड शेयरिङ’ नियमावली स्थगन गरेपछि मात्र गाडि चल्ने
