काठमाडौं । टि– ट्वान्टी आई सिरिजमा पाकिस्तानले घरेलु टोली बंगलादेशविरुद्धको सान्त्वना जित हासिल गरेको छ ।
ढाकास्थित शेरे बंग्ला क्रिकेट स्टेडियममा बिहीबार भएको खेलमा पाकिस्तानले बंगलादेशलाई ७४ रनले हराएको हो ।
१ सय ७९ रनको लक्ष्य पछ्याएको बंगलादेश १६.४ ओभरमा १ सय ४ रनमा समेटियो । बंगलादेशका मोहम्मद सैफुद्दिनले ३४ बलमा २ चौका र २ छक्काको सहयोगमा सर्वाधिक ३५ रन जोडे ।
ओपनर मोहम्मद नइम १० रनमा आउट हुनु बाहेक अन्य ब्याटरले दोहोरो अंकमा रन बनाउँन सकेनन् ।
पाकिस्तानका लागि सलमान मिर्जाले ३, मोहम्मद नवाज र फहिम असरफले समान २ तथा हुसेन तलत, सलमान आगा र अहमद दानियालले समान १ विकेट लिए ।
त्यसअघि शेरे बंग्ला क्रिकेट स्टेडियममा टस हारेर ब्याटिङको निम्तो पाएको पाकिस्तानले निर्धारित २० ओभरमा ७ विकेट गुमाएर १ सय ७८ रन बनायो ।
पाकिस्तानका साहिबजाद फर्हानले ४१ बलमा ६ चौका र ५ छक्काको सहयोगमा ६३ रनको अर्धशतकीय इनिङ खेले ।
हसन नवाज १७ बलमा १ चौका र ३ छक्काको सहयोगमा ३३ रनमा आउट भए । सइम अयुब २१, मोहम्मद नवाज २७ रनमा आउट हुँदा कप्तान सलमान आगा १२ रनमा अविजित रहे ।
बंगलादेशका तस्किन अहमदले ३, नसुम अहमदले २ तथा मोहम्मद सैफुद्दिन र सरिफुल इस्लामले समान १ विकेट लिए ।
थप समाचारहरु
बागमती प्रदेश लिग फुटबल प्रतियोगिता–२०८१ पौष १० गतेबाट
जनकपुर बोल्ट्सलाई हराउँदै सुदूरपश्चिम फाइनलमा
सभापति कपः फाइनल प्रवेशका लागि सङ्कटा र मच्छिन्द्र खेल्दै
भद्रपुरझापा गोल्डकपः उपाधिका लागि भद्रपुर ब्लेजर्स र झापा–११ भिड्दै
व्यावसायिक फुटबल खेल्न एन्जिला ग्रिस प्रस्थान
हाप्किडोमा नेपाललाई २ स्वर्ण र १ रजत पदक
