रामेछाप । नेपाल कम्युनिष्ट पार्टी (नेकपा) का संस्थापक महासचिव पुष्पलालको ४७ औँ स्मृति दिवस तीनलालको जिल्ला भनेर चिनिने रामेछापमा पुष्पलाल सहित तीनलालको सालिकमा माल्यार्पण गरी मनाइएको छ ।
नेपालको प्रजातान्त्रिक आन्दोलनका सहित गङ्गालाल, नेपाली साहित्यका प्रथम सहिद सुब्बा कृष्णलाल र नेपाल कम्युनिष्ट पार्टीका संस्थापक महासचिव पुष्पलालको जन्म जिल्ला रामेछापमा मन्थलीमा रहेको तीनलाल पार्कमा नेकपा एमाले रामेछापको आयोजनामा तीनलालको सालिकमा बुधबार बिहान माल्यार्पण कार्यक्रम आयोजना गरिएको हो ।
नेकपा एमाले रामेछापले आयोजना गरेको कार्यक्रममा पार्टीको प्रदेश कमिटीका नेताहरू, जिल्ला कमिटीका नेताहरू, जनप्रतिनिधि, नगरपालिका कमिटीका नेताहरू, जनसांस्कृतिक महासंघकी केन्द्रीय अध्यक्ष भूमिका सुब्बा लगायत जनसंगठनका नेताहरू लगायतको सहभागिता थियो ।
पुष्पलालको स्मृति दिवसको अवसरमा आज दिउँसो पुष्पलालको जन्मथलो रामेछापको भँगेरीमा नेकपा एमाले रामेछाप र जनसांस्कृतिक महासंघ बाग्मती प्रदेश कमिटीको आयोजनामा विशेष कार्यक्रम आयोजना गर्न लागिएको एमाले रामेछापका सचिव प्रकाशकुमार कार्कीले जानकारी दिए ।
नेपाल कम्युनिष्ट पार्टीका संस्थापक महासचिव पुष्पलालको जन्म विसं १९८१ असार १५ मा रामेछापको भँगेरीमा भएको थियो । उनको २०३५ साउन ७ गते उपचारका क्रममा भारतको गोविन्दबल्लभ पन्त अस्पतालमा निधन भएको थियो ।
२००६ साल वैशाख १० गते पुष्पलालले नेकपाको स्थापना गरेका थिए । भारतको कलकत्ताको श्याम बजारमा पुष्पलाल, नरबहादुर कर्माचार्य, नीरञ्जनगोविन्द वैद्य, नारायणविलास जोशी, मोतीदेवी श्रेष्ठको सक्रियतामा पार्टी स्थापना भएको थियो ।
थप समाचारहरु
इ–नेवल नेपालद्वारा अमेरिकन प्रविधिबाट निर्मित कृतिम हात निःशुल्क वितरण
माओवादी केन्द्रीय समितिको छैठौं बैठक : दोस्रो दिन ८० जनाले राखे धारणा
नेपाल र भारतबीच अन्तरदेशीय प्रसारण लाइन निर्माणको ‘मोडालिटी’मा सहमति
सीमा क्षेत्रमा कडाइ गर्न पोल्ट्री व्यवसायीद्वारा गृहमन्त्रीलाई ज्ञापनपत्र
‘पूर्वविशिष्टहरु पदमा हुँदा पनि लुट्ने, रिटायर्ड भएपछि पनि लुट्ने ?’
माग सम्बोधन गर्न भूमि समस्या सामाधान आयोगलाई आग्रह
