अब कोशीका सबै जिल्लामा पूर्वाधार कार्यालय

विराटनगर । कोशी प्रदेश सरकारले आगामी आर्थिक वर्षदेखि प्रदेशका १४ वटा जिल्लामा भौतिक पूर्वाधार कार्यालय स्थापना गर्ने भएको छ ।

कोशी प्रदेश सरकारको आज(सोमबार)बसेको मन्त्रिपरिषद् बैठकले भौतिक पूर्वाधार मन्त्रालयको ओएनएम स्वीकृत गर्दै कार्यालय स्थापना गर्ने निर्णय गरेको हो ।

कोशी प्रदेशमा यसअघि सातवटा सहरी विकास कार्यालय र सातवटा पूर्वाधार कार्यालय थिए । प्रदेश सरकारका आन्तरिक मामिला तथा कानुनमन्त्री रेवती रमण भण्डारीका अनुसार ती कार्यालय प्रत्येक जिल्लामा थिएनन् ।

कुनै जिल्लामा सहरी र पूर्वाधार दुईटै कार्यालय थिए । त्यसका कारण एउटा कार्यालयले दुई तीनवटा जिल्लासम्म हेर्नुपर्दथ्यो । अब प्रत्येक जिल्लाले आफ्नो जिल्लाको मात्रै काम हेर्नुपर्ने र यसले सेवा प्रवाहमा सजिलो हुने सरकारले विश्वास लिएको छ । मन्त्री भण्डारीले यो निर्णयले काम छिटो छरितो र हुने बताए ।

थप समाचारहरु

लागुऔषध दुरुपयोग तथा अवैध ओसारपसारविरुद्धको अन्तर्राष्ट्रिय दिवस बीएण्डसीमा एमबीबीएस पठनपाठनको तयारी भारतबाट आउने तरकारीका कारण नेपाली किसान समस्यामा पर्यटन क्षेत्रको विकासबाट मुलुक समृद्ध हुने दमक व्यापारिक कम्प्लेक्स आधुनिक विकासको नमुनाः प्रधानमन्त्री  ‘पत्रकारिता स्वच्छ, मर्यादित र सशक्त हुनुपर्छ’