प्राविधिक शिक्षालयको शिलान्यास

झापा, १३ असार । पूर्वउपप्रधान तथा गृहमन्त्री कृष्णप्रसाद सिटौलाले नेपालले निरङ्कुशताविरुद्ध लामो सङ्घर्षपछि हासिल भएको वर्तमान राजनीतिक प्रणालीलाई बलियो नबनाई मुलुक र जनताको हितमा समृद्धि हासिल गर्न नसकिने बताएका छन् ।

कचनकवल गाउँपालिकामा निर्माण हुन लागेको प्राविधिक शिक्षालयको आज शिलान्यास गर्दै उनले लोकतान्त्रिक व्यवस्था विश्वकै उत्कृष्ट व्यवस्था भएकाले नयाँ व्यवस्थामा नयाँ सोच र चिन्तन अनिवार्य भएको बताए ।

सो भवन रु चार करोड ७९ लाख २१ हजार २८५ को लागनमा निर्माण हुनेगरी नेपाल सरकार सघन शहरी विकास तथा भवन निर्माण कार्यालय र खण्डपुर निर्माण सेवा बीच सम्झौता भएको छ ।

बहुवर्षीय योजनाअन्तर्गत निर्माण हुन लागेको भने निर्माण विसं २०८४ जेठ २० गते सम्पन्न हुने शिक्षालयका संयोजक तथा कचनकवल गाउँपालिका अध्यक्ष कालेन्द्रसिंह राजवंशीले जानकारी दिनुभयो ।

थप समाचारहरु

लागुऔषध दुरुपयोग तथा अवैध ओसारपसारविरुद्धको अन्तर्राष्ट्रिय दिवस बीएण्डसीमा एमबीबीएस पठनपाठनको तयारी भारतबाट आउने तरकारीका कारण नेपाली किसान समस्यामा पर्यटन क्षेत्रको विकासबाट मुलुक समृद्ध हुने दमक व्यापारिक कम्प्लेक्स आधुनिक विकासको नमुनाः प्रधानमन्त्री  ‘पत्रकारिता स्वच्छ, मर्यादित र सशक्त हुनुपर्छ’