सिंजालाई पोषणमैत्री पालिका घोषणा गरिँदै

जुम्ला, ५ असार । जुम्लाको सिंजा गाउँपालिकाभित्रका छ स्वास्थ्य संस्थालाई पोषणमैत्री वडा घोषणा भएका छन् । गाउँपालिका स्वास्थ्य शाखा प्रमुख ललित रोकायाका अनुसार पोषणका आधारभूत सूचक पारभएपछि पालिकाभित्रका स्वास्थ्य संस्था पोषणमैत्री संस्था घोषणा गरिएको छ ।

उनले भने, “सिंजा–३ मा रहेको नराकोट स्वास्थ्यचौकी, वडा नं १ मा रहेको धापा स्वास्थ्य चौकी, वडा नं ५ स्थिति शनिगाउँस्थित स्वास्थ्यचौकी पोषणमैत्री स्वास्थ्यचौकी घोषणा गरिएको छ । यसैगरी आधारभुत स्वास्थ्य केन्द्र वडा नं २ को विष्टबाडा, आधारभुत स्वास्थ्य केन्द्र वडा नं ४ को देवीडाँडा, आधारभूत स्वास्थ्य केन्द वडा नं ६ मा रहेको स्वास्थ्यचौकी समेत पोषणमैत्री स्वास्थ्य संस्था घोषणा गरिएको छ ।”

यही असार ९ गते गाउँपालिकालाई पोषणमैत्री पालिका घोषणा गरिने कार्यक्रम तय भएको छ । यसका साथै पोषण प्रदर्शनी मेला गरिने छ । यस अभियानमा साझेदार संस्था प्लान नेपाल र पेस नेपालले लामो समयदेखि स्वास्थ्य संस्थालाई सहयोग गरेको सिंजा गाउँपालिका अध्यक्ष पूर्णप्रसाद धितालले जानकारी दिए ।

थप समाचारहरु

कर्मचारीले जुटाए गरिव घर परिवारका बिरामीलाई सहयोग सुत्केरी आामालाई सेनाको हेलिकोप्टरमार्फत उद्धार ४ सयभन्दा बढी विद्यार्थीलाई आयुर्वेद तथा योग शिक्षा प्रदान राकम कर्णालीमा ५० शय्याको स्याटलाइट अस्पताल सञ्चालनको कार्ययोजना स्वीकृत राकम कर्णालीमा ५० श्यैयाको अस्पताल सञ्चालनको कार्ययोजना स्वीकृत स्वास्थ्य पत्रकार मञ्च कर्णालीको अध्यक्षमा बसेल