News and Updates
काठमाडौं । संस्कृति, पर्यटन तथा नागरिक उड्डयनमन्त्री बद्री प्रसाद पाण्डेले भूमि पूजाको महत्व विश्वभर फैलाउनुपर्ने आवश्यकता औंल्याएका छन् । आइतबार राजधानीमा मगर समुदायले मनाउने भूमे पर्वको अवसरमा आयोजित कार्यक्रमलाई सम्बोधन गर्दै उनले भूमि पूजा केवल पुरातन मान्यता नभइ वैज्ञानिक आधारसमेत भएको बताए ।
उनले भूमिको संरक्षणले जलवायु परिवर्तनका विश्वव्यापी असरहरूबाट मानव जातिलाई जोगाउन सक्ने स्पष्ट पारे । उनले भने, ‘पृथ्वी असन्तुलनमा जाँदैछ भन्ने चिन्ता बढ्दो छ, र मानव समाज संकटमा पर्न सक्ने खतरा देखिँदैछ ।’
यस्तै, उनले मगर समुदायको परम्परागत ज्ञान र आचरणले भूमिलाई क्षति नपु¥याउने उदाहरण प्रस्तुत गर्दै यस्ता अभ्यासहरूलाई विश्वभर फैलाउन आवश्यक रहेको बताए ।
उनले भने, ‘भूमि पूजाले जलवायु परिवर्तनको विरुद्ध सकारात्मक सन्देश दिन्छ। यसमा प्रकृति पूजाको पक्ष पनि जोडिएको छ, जसले जल, जंगल, जमिन र स्वच्छ वायुको संरक्षणको संदेश दिन्छ ।’
उनले संस्कृति मन्त्रालयद्वारा संस्कृतिक पर्वहरूको सूचीकरण र व्यवस्थापन कार्यविधि पारित भइसकेको जानकारी गराउँदै भूमे पर्वलाई पनि सूचीकरण गरिने विश्वास व्यक्त गरे ।
थप समाचारहरु
अन्नपूर्ण क्षेत्रलाई केन्द्रविन्दू बनाएर भूकम्प
प्रादेशिक र स्थानीय सडक सुधार परियोजना समयमै सम्पन्न गर्नुपर्ने
मेडिकल कलेज तथा सरकारी अस्पताललाई शुल्क विवरण सार्वजनिक गर्न स्वास्थ्य मन्त्रालयको परिपत्र,
‘१८ महिनापछि देउवा प्रधानमन्त्री, ०८४ सम्म यही समीकरण टिक्छ’
स्वास्थ्य सेवा ऐन ल्याउने तयारी
कृषि विकास बैंकले किसानलाई केन्द्रमा राखेर काम गर्नुपर्छ : उपप्रधान तथा मन्त्री सिंह
फेसबुकबाट तपाईको प्रतिक्रिया