कांग्रेसका नेताहरूले स्व.तीर्थराम डंगोलको जीवनबाट प्रेरणा लिनुपर्नेमा जोड

काठमाडौं । नेपाली काङ्ग्रेसका सभापति शेरबहादुर देउवाले स्व.तीर्थराम डंगोलले छोडेर गएका अधुरा कामहरु पूरा गर्नुपर्ने बताएका छन् ।

बिहीबार कांग्रेस जिल्ला कार्यसमिति काठमाडौंका पूर्व सभापति तीर्थराम डंगोलको स्वर्गारोहणको १३ औं दिनको पुण्य तिथिको अवसरमा आयोजित श्रद्धाञ्जली सभामा उनले डंगोल एकदमै प्रचारमा आउन नसकेका ठूलो व्यक्तित्व भएको भन्दै उनका अधुरा काम पार्टीले पूरा गर्नुपर्ने बताएका हुन् ।

उनले भने, ‘स्व.तीर्थराम डंगोल एकदमै राम्रो बोल्ने, विचार भएको र जवाफ दिन सक्ने व्यक्ति हुनुहुन्थ्यो । उहाँको असान्दर्भिक मृत्युप्रति दुख व्यक्त गर्दै उहाँको परिवारलाई संवेदना व्यक्त गर्न चाहान्छु । अब हामीले उहाँले छोडेर जानु भएको अधुरा काम पूरा गर्नुपर्छ । भोलीका दिनमा डंगोलबाट धेरै प्रेरणा पनि लिन सक्छन् किन भने उहाँ प्रचारमा आउन नसकेका ठूलो व्यक्तित्व हुन् ।’

यस्तै, नेपाली काङ्ग्रेसका नेता प्रकाशमान सिंहले स्व.तीर्थराम डंगोललाई श्रद्धाञ्जली दिँदै गर्दा उनले राजनीतिमा गरेको योगदानलाई बिर्सिन नहुने भन्दै पार्टीलाई सहि दिशा तिर लाने हो भने सच्चा रुपमा तीर्थरामलाई श्रद्धाञ्जली दिए हुने बताए ।

उनले भने, ‘कठिन अवस्थामा पनि राजनीतिमा लागेपछि कि जेल जीवन कि निर्वाचित जीवन कि जीवन नै त्याग गर्नुपर्ने जोखिममा राजनीति गरेर प्राप्त भएको अधिकारको रक्षा हामीले नै गर्नुपर्छ । स्व.तीर्थराम डंगोलको बारेमा त हामी सबैलाई थाहा नै छ, उहाँ एकदमै सरल मान्छे हुन् । आज उहाँलाई श्रद्धाञ्जली दिँदै गर्दा उहाँ राजनीतिमा गर्नु भएको योगदानलाई बिर्सिनु हँुदैन् । हामीले पार्टीलाई सहि दिशा तिर लाने हो भने सच्चा रुपमा तीर्थराम दाईलाई श्रद्धाञ्जली दिएको हुन्छ ।’

थप समाचारहरु

‘१८ महिनापछि देउवा प्रधानमन्त्री, ०८४ सम्म यही समीकरण टिक्छ’ स्वास्थ्य सेवा ऐन ल्याउने तयारी रवि लामिछानेलाई आज म्याद थपका लागि अदालतमा पेश गरिँदै काठमाडौं उपत्यकको फोहोर व्यवस्थापनमा राजनीति नगरौं : मन्त्री सिंह पिजीको विवाद मिलाउन प्रधानमन्त्रीको निर्देशन नेपालले शान्ति स्थापनामा हासिल गरेको उपलब्धि अनुकरणीय छः सभामुख