मन्त्रालयले किसान सूचिकरण प्रक्रियालाई अगाडि बढाउँदैछ : अधिकारी

काठमाडौं । कृषि तथा पशुपन्छी विकासमन्त्री रामनाथ अधिकारीले मन्त्रालयले केही समयभित्र किसान सूचिकरण प्रक्रियालाई अगाडि बढाउने काम गरिरहेको बताएका छन् ।

आइतबार कृषि, सहकारी तथा प्राकृतिक स्रोत समितिमा बोल्दै उनले मन्त्रालयले दिएको कृषि अनुदान लापरवाही कतिपय ठाउँमा भयो, कति ठाउँमा काम भयो भन्ने विषयमा पाँच सदस्यीय समिति गठन गरेर जिम्मेवारी दिएको समेत बताएका हुन् ।

उनले भने, ‘केही समयभित्र किसान सूचिकरण प्रक्रियालाई अगाडि बढाउने काम पनि गरेका छौं । दिएको अनुदान लापरवाही कतिपय ठाउँमा भयो, कति ठाउँमा काम भयो भन्ने विषयमा पाँच सदस्यीय समिति गठन गरेर जिम्मेवारी दिएका छौं । कहाँ कहाँ व्यवस्थापन कमजोरी भएको छ, त्यो पैसा लगेर खाने कति भए ? कामै गरी देखाउने कति भए भनेर हामी खोजी गरिरहेका छौं । केही समय पछाडि त्यो सार्वजनिक पनि हुन्छ ।’

साथै उनले मन्त्रालयले कृषि उपजको न्यूनतम मूल्य निर्धारण गर्ने सोच बनाएको समेत बताए । उनले कृषि उपजको न्यूनतम मूल्य निर्धारण गर्नका लागि गोदाम चिस्यान घरको व्यवस्थापन गरे मात्रै सम्भव हुने बताए ।

उनले भने, ‘कृषि उपजको न्यूनतम मूल्य निर्धारण गर्ने सोच बनाएका छौं । यो मूल्य निर्धारण गर्नका लागि हामीले गोदाम चिस्यान घरको व्यवस्थापन गरिसकेपछि मात्रै त्यो सम्भव हुने छ । हामीले त्यो उद्देश्य बोकेका छौं ।’

थप समाचारहरु

अन्नपूर्ण क्षेत्रलाई केन्द्रविन्दू बनाएर भूकम्प प्रादेशिक र स्थानीय सडक सुधार परियोजना समयमै सम्पन्न गर्नुपर्ने मेडिकल कलेज तथा सरकारी अस्पताललाई शुल्क विवरण सार्वजनिक गर्न स्वास्थ्य मन्त्रालयको परिपत्र, ‘१८ महिनापछि देउवा प्रधानमन्त्री, ०८४ सम्म यही समीकरण टिक्छ’ स्वास्थ्य सेवा ऐन ल्याउने तयारी कृषि विकास बैंकले किसानलाई केन्द्रमा राखेर काम गर्नुपर्छ : उपप्रधान तथा मन्त्री सिंह