रेडियो नेपाल कुनै पार्टी, व्यक्तिको नभैइ तीन करोड नेपालीको हो : मन्त्री गुरूङ

काठमाडौं । सञ्चार तथा सूचना प्रविधिमन्त्री पृथ्वीसुब्बा गुरूङले रेडियो नेपाल कुनै पार्टी, व्यक्ति वा सरकारको नभैइ ं३ करोड नेपालीको भएको बताएका छन् ।

बुधबार रेडियो नेपालको ७५ औं वार्षिकोत्सव तथा हीरक महोत्सवमा बोल्दै उनले रेडियो नेपाल जति समृद्ध र प्रभावकारी हुन्छ त्यति नै सिंगो नेपाली र राष्ट्रको माया पाउने भएकाले यो सबै नेपालीको भएको बताएका हुन् ।

उनले भने, ‘यो रेडियो नेपाल ३ करोड नेपालीको हो । यो कुनै व्यक्ति, पार्टीको, सरकारको होइन । सत्य तथ्य जानकारी जनताका बिचमा सम्प्रेषण गर्ने कुरामा रेडियो नेपालको ठूलो भूमिका छ । रेडियो नेपाल जति समृद्ध र प्रभावकारी हुन्छ त्यति नै सिंगो नेपाली र राष्ट्रको माया पाउने छ । नेपालको समृद्धिको लागि, नेपालको बेथिती अन्त्य गर्नको लागि र जनताको सूचनाको हकलाई प्रत्याभूत गर्ने कुरा र जनताको अभिव्यक्ति स्वतन्त्रता र जनताको गोपनियतालाई कायम राखेर चाँही यसले आफ्नो अभियानहरु सुरु गर्नुपर्छ । संसारभरी रहेका नेपालीहरुको लागि पनि यो रेडियो नेपाल हो ।’

साथै उनले रेडियो नेपालले आफ्नो स्वायित्त भएर आफ्नो नीति कार्यक्रमहरु अगाडि सारेर अगाडि बढ्नुपर्ने बताए । उनले विगतको ईतिहास हेर्ने हो भने सत्ताको पञ्जाभित्र परेर अधिनायकवादी आउँदाखेरि अधिनायकवादीकै गान गाउँने, लोकतन्त्र आउँदोखरि लोकतन्त्रकै गुणगान गाउँने खालको जुन भूमिका रेडियो नेपालको थियो आज त्यो सम्पूर्ण रुपमा परिवर्तन भएको बताए ।

उनले भने, ‘देश र जनताप्रति उत्तरदायी बनेर काम गर्ने लक्ष्य रेडियो नेपालको छ । देश र जनताको समृद्धि सुखको लागि अधिनायकवादी हुनु हुँदैन । लोकतन्त्र फस्टिनुपर्छ । गणतन्त्रले आफ्नो प्रभावकारीता सन्देश दिन सक्नुपर्छ । अब लोकतन्त्र गणतन्त्रको सारथी भएर देश र जनताको हितको लागि रेडियो नेपालले आफ्नो कार्यक्रमहरु अगाडि सार्ने छ भन्नेमा हामी विश्वसत छौं । विगतको ईतिहास हेर्ने हो भने सत्ताको पञ्जाभित्र परेर अधिनायकवादी आउँदाखेरि अधिनायकवादीकै गान गाउँने, लोकतन्त्र आउँदोखरि लोकतन्त्रकै गुणगान गाउँने खालको जुन भूमिका थियो आज त्यो सम्पूर्ण रुपमा परिवर्तन भएको छ । सार्वजनिक सेवा प्रसारण रेडियो नेपालले कुनै सरकारको, कुनै नेताको, कुनै मन्त्रीको मात्रै दाबेदारी कदापी गर्नु हुन्न । रेडियो नेपालले आफ्नो स्वायित्त भएर आफ्नो नीति कार्यक्रमहरु अगाडि सारेर अगाडि लाग्नुपर्ने छ ।’

थप समाचारहरु

‘स्थानीय उद्यमशीलताको विकास र रोजगारी सृजना अहिलेको अवश्यकता राप्ती नदीमा एक सय तीन गोही छाडियो युवा, उद्यम र रोजगारी जलवायु परिवर्तनले मानव जातिको अस्तित्वमा सङ्कट उत्पन्न गरेको छः प्रधानमन्त्री बक्यौता असुली गर्ने प्रयास नै बर्खास्तीको मुख्य कारण बन्यो : कुलमान घिसिङ ‘विश्वव्यापी उपभोक्ता प्रदर्शन २०२५’ आजबाट सुरु