३ माघ, काठमाडौं । नेपाल कबड्डी लिग (एनकेएल) शुक्रबारबाट काठमाडौंमा सुरु हुँदैछ ।
बिहीबार दशरथ रंगशालामा प्रतियोगिता अघि आयोजित प्रि–म्याच कन्फ्रेन्समा सबै लिगका प्रशिक्षक तथा खेलाडीहरुले तयारी राम्रो भएको र उत्साहित रहेको बताएका छन् ।
उदघाटन खेलमा शुक्रबार काठमाडौं माभरिक्स र पोखरा लेकर्सबीच प्रतिष्पर्धा हुने जनाइएको छ ।
फ्रेन्चाइज टिमको अवधारणामा आयोजित प्रतियोगिता राउन्ड रोबिन लिग र नकआउट चरण गरी माघ १८ गतेसम्म चल्ने आयोजक एस्ट्रोनिक्स म्यानेजमेन्टले जनाएको छ ।
प्रतियोगितामा ६ टिमको सहभागीता रहने छ । जसमा विराटनगर ब्यान्डिट्स, जनकपुर नाइट्स, काठमाडौं माभरिक्स, पोखरा लेकर्स, हिमालयन रेइडर्स (बुटवल) र धनगढी वाइल्डक्याट्स रहेका छन् ।
राउन्ड रोबिन लिगको शीर्ष चारमा रहने टिम नकआउट चरणमा प्रवेश गर्नेछन् भने इलिमिनेटर र क्वालिफायरपछि फाइनल खेल्ने दुई टिमको टुंगो लाग्नेछ ।
थप समाचारहरु
नेपाल र चीनको युवा टोलीबीचको मैत्रीपूर्ण फुटबलको तयारी पूरा
सातौं बागमती गोल्डकपमा आज एपीएफ र हानामी भिड्दै
सातौं बागमती गोल्डकप : हानामीलाई हराउँदै एपीएफको विजय सुरुवात
ह्विलचियर बास्केटबलको सेमिफाइनल समीकरण पूरा
नयाँ प्रशिक्षकसहित नेपाली राष्ट्रिय पुरुष फुटबल टोलीको बिदाई
नेपाल खेलकुद् र पर्यटनको उर्वर भूमि हो : राष्ट्रपति
