बैतडी, २८ पुस । जिल्लाको दोगडाकेदार गाउँपालिकामा जारी पाचौँ गाउँपालिकास्तरीय राष्ट्रपति रनिङ शिल्ड प्रतियोगिता सम्पन्न भएको छ । दोगडाकेदार–७ लवलेकमा यही पुस २४ गतेदेखि सुरु भएको प्रतियोगिता शनिबार सम्पन्न भएको हो ।
प्रतियोगितामा गाउँपालिकाका ११ वटा विद्यालयको सहभागिता थियो । सहभागी विद्यालयमध्ये श्रीकेदार माध्यमिक विद्यालय दोगडाकेदार–४ पिपलकोट प्रथम भएको छ । श्री केदार माविले प्रथम हुँदै आठ स्वर्ण, तीन रजत र तीन कास्य पदक जितेको हो ।
सनातन धर्म माध्यमिक विद्यालय दोगडाकेदार–३ श्रीकोट छ स्वर्ण, सात रजत र नौ कास्यसहित द्वितीय स्थान हासिल गरेको छ भने भगवती माध्यमिक विद्यालय सित्तड छ स्वर्ण, तीन रजत र चार कास्य हात पार्दै तृतीय स्थान हासिल गरेको हो ।
दोगडाकेदार गाउँपालिकाका अध्यक्ष चक्र कार्कीको अध्यक्षतामा सम्पन्न प्रतियोगितामा पञ्चेश्वर गाउँपालिकाका अध्यक्ष गोरखबहादुर चन्द प्रमुख अतिथि रहेका थिए ।
थप समाचारहरु
प्रधानमन्त्री कप महिला क्रिकेट आजदेखि
प्रधानमन्त्री कप क्रिकेटको उपाधि बैतडीलाई
प्रधानमन्त्री कप महिला क्रिकेट : आर्मीको दोस्रो जित, कोशी पराजित
जयपृथ्वीबहादुर सिंह गौरीगङ्गा फुटबलः सुदूरपश्चिम र लुम्बिनी प्रदेशबीच प्रतिस्पर्धा हुने
प्रधानमन्त्री कप क्रिकेट : सुदूरपश्चिमको टोली घोषणा
निर्माणाधीन कुस्ती प्रशिक्षण कक्षमा बजेट अभाव
