२६ पुस, मकवानपुर । छैठौं संस्करणको बकैया कप फुटबल प्रतियोगिता अन्तरगत बिहीवार ३ खेल सम्पन्न भएको छ । बकैया–३ हात्तीसुंडेस्थित बकैया रंगशालामा भएको बिहीबारको खेलमा भएको वडा नम्बर ३,४ र ६ ले विजयी सुरुवात गरेको छ ।
प्रतियोगितामा वडा नम्बर ३ ले ७ लाई १–० गोलले हराएको हो । वडा नम्बर ३ का लागि छेवाङ लामाले पहिलो हाफको तेस्रो मिनेटमा गोल गरेका हुन् । खेलको म्यान अफ द म्याच ३ नम्बरका आयुष नेगि घोषित भए । बिहीबार दुई टिम बीचको दोस्रो हाफको खेल भएको हो । बुधबार समय अभाव भएसँगै पहिलो हाफपछि खेल बिहीवारका लागि तोकिएको थियो ।
यस्तै बिहीबारको खेलमा वडा नम्बर ४ ले पनि १० लाई १–० गोलले हराएको छ। वडा नम्बर ४ का लागि दिपेश माझीले खेलको आठौं मिनेटमा निर्णायक गोल गरे । खेलको म्यान अफ द म्याच माझी घोषित भए ।
यस्तै तेस्रो खेलमा वडा नम्बर ८ लाई १–० गोलले हराउँदै ६ नम्बर विजयी भएको हो । वडा नम्बर ६ को जीतमा समीर बोम्जनले खेलको ५५ औं मिनेटमा निर्णायक गोल गरे ।
प्रतियोगिता अन्तर्गत शुक्रबार जुनियरतर्फ वडा ११ नम्बर र १२ बीच प्रतिस्पर्धा हुनेछ भने सिनियरतर्फ २७ गते वडा नम्बर ५ र ९ बीच प्रतिस्पर्धा हुनेछ । प्रतियोगिताको फाइनल खेल माघ १ गते हुनेछ ।
प्रतियोगितामा सिनियरतर्फको विजेता टिमले १ लाख रुपैयाँसहित शिल्ड, मेडल तथा प्रमाणपत्र प्राप्त गर्नेछन् भने उपविजेता टिमले ५० हजार रुपैयाँ प्राप्त गर्नेछन् । यस्तै यस्तै जुनियरतर्फको विजेताले ५० हजार रुपैयाँसहित शिल्ड, मेडल तथा प्रमाणपत्र प्राप्त गर्नेछन् भने उपविजेताले २५ हजार रुपैैयाँ प्राप्त गर्नेछन् ।
