काठमाडौं । कर्णाली प्रदेशमा हुने १० औं राष्ट्रिय खेलकुदको सचिवालय उद्घाटन गरिएको छ ।
बुधबार त्रिपुरेश्वर स्थित खेलकुद परिषद्को सभाहलमा खेलकुद मन्त्री तेजुलाल चौधरीको उपस्थितिमा आगामि चैत्र २३ गते देखि ३० गतेसम्म सञ्चालन हुने १० औं राष्ट्रिय खेलकुदको सचिवालयको उद्घाटन गरिएको हो ।
प्रतियोगिताको सम्पूर्ण तयारी, प्रतियोगिता अवधिभरको व्यवस्थापकीय काम सचिवालयबाट नै हुने छ ।
कार्यक्रममा परिषद्का सदस्य सचिव टंकलाल घिसिङले नवौं राष्ट्रिय खेलकुदको सहभागीताको सङ्ख्या जम्मा दुई सय १५ जनाको रहेकोमा यो वर्ष सात सय भन्दा माथिको संख्यामा सहभागीता गराउने टिम पनि रहेको बताए । सहभागीको संख्यालाई हेरेर ढोका बन्द नगर्ने भन्दै उनले यसका निम्ति बजेटको व्यवस्था पनि गरेको जानकारी गराए ।
उनले भने, ‘विगतको नवौं राष्ट्रिय खेलकुदको सहभागीताको सङ्ख्या हेर्ने हो भने जम्मा दुई सय १५ जनाको सहभागीता थियो । तर अहिले चाँही सात सय भन्दा माथिको सहभागीता गराउने टिम पनि छ । दुई सय र सात सयबीचको प्रतिस्पर्धाले के हुन सक्छ भन्ने पनि छ । तर यसमा हामीले ढोका बन्द गरेको छैनौं । यसका निम्ति पनि बजेटको व्यवस्था गरेका छौं ।’
थप समाचारहरु
ओमानका अनुभवी खेलाडी मक्सूद कर्णाली याक्समा अनुबन्ध
कर्णाली याक्स र महिन्द्राबीच सम्झौता
कोहलपुर गोल्डकपमा अफ्रिकन घानालाई हराउँदै काँक्रेविहार सेमिफाइनलमा
जुम्लाकी राममाया बुढाले जितिन् गोल्डेन ट्रेल नेशनल सिरिज
प्रथम यु १६ क्रिकेट : प्रतियोगिता विपिन चम्किंदा रौनकको कीर्तिमान
तेस्रो रुुकम कप भलिबल प्रतियोगिताको उपाधि नवलपुरको बौदीकालीलाई
