काठमाडौं । प्रधान सेनापति ट्रफी–२०८१ प्रतियोगिता आजदेखि सुरु भएको छ ।
आइतबारबाट नेपाली सेनाको मुख्यालयमा प्रधान सेनापति अशोकराज सिग्देलले शुभारम्भ गरेसँगै प्रधान सेनापति ट्रफी प्रतियोगिता सुरु भएको हो ।
सेनाका अनुसार प्रधान सेनापति ट्रफी प्रतियोगिता भदौ ३० गतेदेखि असोज १५ गतेसम्म सञ्चालन हुने छ ।
८ विधामा सञ्चालन हुने प्रतियोगितामा फुटबल, भलिबल, बास्केटबल, तेक्वान्दो, बक्सिङ, पौडी, जुडो र एथ्लेटिक्स समावेश गरिएको छ ।
यसैबीच, प्रतियोगिताको उद्घाटनका अवसरमा पुरुषतर्फ एक हजार पाँच सय मिटर दौडमा रामचन्द्र बानियाँ र महिलातर्फ एञ्जिला कार्की प्रथम भएका थिए ।
कार्यक्रममा खेलाडीबाट विभिन्न खेल कौशल प्रदर्शन गरिएको थियो ।
खेलको माध्यमबाट मित्रताको अवधारणा अनुसार सैनिक नागरिक सम्बन्ध प्रगाढ तुल्याउने प्रतियोगिताको लक्ष्य रहेको सेनाले जनाएको छ ।
राष्ट्रिय तथा अन्तर्राष्ट्रिय खेलाडि उत्पादन गर्ने उद्देश्यले नेपाली सेनाले विसं २०६५ देखि प्रत्येक वर्ष प्रतियोगिता सञ्चालन गर्दै आएको छ ।
थप समाचारहरु
जनकपुर बोल्ट्सलाई प्रधानमन्त्रीको सम्मान, आयोजकलाई बधाई
काठमाडौंमामधेशी युवाहरुमाथि कुटपिट घटनाप्रति जनकपुरधामका युवाहरु आन्दोलित
टाइगर कप भलिबलः हेल्प नेपालसँग पराजित हुँदा प्रतियोगितबाट बाहिरियो एपिएफ
सिटी च्याम्पियन्स लिगको प्ले अफमा
स्पेनिस ला लिगामा रियल म्याड्रिडको जित
बागमती प्रदेश सरकारले स्पोर्टस अवार्ड एन्ड युथ समिट गर्ने
