२५ भदौ, काठमाडौं । युइएफए नेसन्स लिग फुटबलमा फ्रान्सले पहिलो जित निकालेको छ । सोमबार राति भएको खेलमा फ्रान्सले बेल्जियमलाई २–० गोल अन्तरले पराजित गरेको हो ।
पहिलो खेलमा फ्रान्स इटालीसँग स्तब्ध भएको थियो । बेल्जियमको भने यो पहिलो हार हो । बेल्जिमयले पहिलो खेलमा इजरायलाई पराजित गरेको थियो ।
सोमबार रातिको खेलमा फ्रान्सलाई जिताउनका लागि रान्डाला कोलो मुआनी र ओस्मान डेम्बेलेले एक एक गोल गरेका थिए ।
घरेलु मैदानमा फ्रान्सले २९ औं मिनेटमा अग्रता लिएको थियो । फ्रान्सका लागि रान्डालले गोल गर्दै अग्रता दिलाएका थिए ।
पहिलो हाफमा १ गोल गरेको फ्रान्सले दोस्रो हाफमा अरु १ गोल थपेको थियो । डेम्बेले ५७ औं मिनेटमा एनगोलो कान्टेको पासमा गोल गरेका थिए । त्यसपछि थप गोल नभएपछि अन्ततः फ्रान्स २–० को जीत निकाल्न सफल भयो ।
फ्रान्सले पहिलो ३ अंक जोडेको हो । बेल्जिमय भने हारका बाबजुद पनि ३ अंकका साथ तालिकाको तेस्रो स्थानमा रहेको छ ।
यो समूहमा इटाली ६ अंकका साथ शीर्ष स्थानमा रहँदा फ्रान्स ३ अंकका साथ दोस्रो स्थानमा छ । खाता खोल्न नसकेको इजरायल भने पुच्छारमा रहेको छ ।
थप समाचारहरु
जनकपुर बोल्ट्सलाई प्रधानमन्त्रीको सम्मान, आयोजकलाई बधाई
काठमाडौंमामधेशी युवाहरुमाथि कुटपिट घटनाप्रति जनकपुरधामका युवाहरु आन्दोलित
टाइगर कप भलिबलः हेल्प नेपालसँग पराजित हुँदा प्रतियोगितबाट बाहिरियो एपिएफ
सिटी च्याम्पियन्स लिगको प्ले अफमा
स्पेनिस ला लिगामा रियल म्याड्रिडको जित
एसिसी यु–१९ प्रिमियर कप : उपाधिका लागि नेपाल र यूएईबीच प्रतिस्पधा
