२३ भदौ, काठमाडौं । इंग्ल्यान्डका खेलाडी मोइन अलीले अन्तर्राष्ट्रिय क्रिकेट करिअरबाट सन्यासको घोषणा गरेका छन् । ३७ वर्षीय स्पिन अलराउन्डर अलीले आइतबार सन्यास लिएका हुन् ।
इंग्ल्यान्डले सन् २०१९ मा एकदिवसीय तथा २०२२ मा टी–२० विश्वकप उपाधि जित्दा उनी टोलीका सदस्य थिए । ‘म ३७ वर्षको भए यसै महिना अष्ट्रेलिया सिरिजमा परिनँ । इंग्ल्यान्डबाट मैले धेरै क्रिकेट खेलेको छु । अब भनेको नयाँ पुस्ताको समय हो । यो सन्यास लिने सही समय हो’ मोइन अलीले भनेका छन् ।
अर्को हप्तादेखि इंग्ल्यान्डले घरेलु मैदानमा अष्ट्रेलियासँग तीन टी–२० आई र पाँच ओडीआई सिरिज खेल्दैछ । इंग्ल्यान्डले अष्ट्रेलिया सिरिजका लागि २३ वर्षीय स्पिन अलराउन्डर ड्यान मोस्लीलाई मौका दिएको छ ।
सन् २०१४ देखि अन्तर्राष्ट्रिय क्रिकेट खेल्न थालेका उनले ६८ टेस्ट, १३८ ओडीआई र ९२ टी–२० आई खेल खेलेका छन् । तीनै संरचना क्रिकेटमा उनले ८ शतक, २८ अर्धशतक, ६ हजार ६७८ रन र ३६६ विकेट लिएका छन् ।
गत जुन २७ मा टी–२० विश्वकप सेमिफाइनलमा भारतविरुद्ध उनको करिअरको अन्तिम खेल रह्यो । टेस्टमा उनका ५ शतक छन् । सन् २०१६ मा श्रीलंकाविरुद्ध १५५ रन उनको टेस्ट करिअरको उत्कृष्ट प्रदर्शन हो ।
श्रीलंकाविरुद्ध सन् २०१४ मा ११९ रन, २०१५ मा स्कटल्यान्डविरुद्ध १२८ रन र २०१७ मा वेस्टइन्डिजविरुद्ध १०२ रन उनका ओडीआई शतक हुन् । ‘एशेज सिरिज जित, दुई विश्वकप, २०१७ मा दक्षिण अफ्रिकाविरुद्ध टेस्टमा ह्याट्रिक र १६ बलमा टी–२० आईमा अर्धशतक मेरा करिअरका उत्कृष्ट क्षण हुन’ उनले भने । सन् २०२२ को टी–२० खेलमा उनले दक्षिण अफ्रिकाविरुद्ध १६ बलमा अर्धशतक प्रहार गरेका थिए । जुन टी–२० आईमा इंग्ल्यान्डबाट सर्वाधिक छिटो अर्धशतक हो ।
थप समाचारहरु
अमेरिकामा सुरु भयो इन्ट्रा कप फुटबल, १४ सय खेलाडी सहभागी
आइसिसी विश्वकप लिग-२: राष्ट्रिय टोलीको बिदाइ
इंग्ल्याण्डविरुद्धको पहिलो टी–२० मा अष्ट्रेलिया २८ रनले विजयी
टी-२० सिरिजको पहिलो खेलमा नेपाल क्यानडासँग पराजित
अन्तर्राष्ट्रिय स्पर्धाका पदक विजेता खेलाडी प्रधानमन्त्रीबाट पुरस्कृत
खो–खो विश्वकपमा नेपाल उपविजेता
