९ भदौ, काठमाडौं । नेपालमा पहिलोपटक आयोजना हुन लागेको एभरेस्ट महिला भलिबल लिगको मिति सार्वजनिक भएको छ । आयोजक इन्फिनिटी ड्रिम्सले आइतबार प्रतियोगिताको मिति सार्वजनिक गरेको हो । तालिका अनुसार लिग असोज १४ गतेदेखि १९ गतेसम्म आयोजना हुने छ ।
प्रतियोगिताको पहिलो संस्करणका लागि मार्कीसहित नेपाली खेलाडीहरूको नाम पनि यसअघि नै सार्वजनिक भइसकेको छ । फ्रेन्चाइज लिगको पहिलो संस्करणमा ६ टोलीले सहभागिता जनाउने छन् । जसमा टिम मधेस, टिम ललितपुर, टिम कर्णाली, टिम चितवन, टिम काठमाडौं र टिम गण्डकी छन् ।
प्रतियोगितामा मधेसको मार्की खेलाडीमा निरुता ठगुन्ना छिन् । यस्तै, गण्डकीमा सरस्वती चौधरी, काठमाडौंमा उषा भण्डारी, चितवनमा राष्ट्रिय टिमकी कप्तानसमेत रहेकी अरूणा शाही, टिम कर्णालीमा सुमित्रा रेग्मी र ललितपुरमा सलिना श्रेष्ठ मार्की खेलाडी छन् ।
थप समाचारहरु
प्रिमियर लिगमा लिभरपुल विजयी
दोस्रो बागमती प्रदेश लिग फुटबल प्रतियोगिता अन्तर्गत आज दुई खेल हुदैँ
जनकपुर बोल्टसका खेलाडीलाई जनकपुरमा स्वागत
एलिट कपका लागिसन्दीपको कप्तानीमा बागमतीको टोली घोषणा
दिल्लीमा सम्पन्न कुस्ती प्रतियोगितामा नेपालका सुरेश चुनाराले जिते कांस्य पदक
आईसीसी टी–२० विश्वकप छनोटको दोस्रो अभ्यास खेलमा नेपालको जित
