प्रतिनिधि सभा बैठक बस्दै, यस्तो छ सम्भावित कार्यसूची

८ साउन, काठमाडौँ ।  संघीय संसद अन्तर्गत प्रतिनिधिसभाको बैठक आज पनि बस्दैछ । बैठक दिउँसो १ बजे संसद भवन नयाँबानेश्वरमा बस्नेछ ।

आजको बैठकमा सभामुख देवराज घिमिरेले संयुक्त समिति अन्तर्गतको संसदीय सुनुवाइ समिति तथा प्रतिनिधिसभा अन्तर्गतको विषयगत समितिमा सदस्यहरूको नाम हेरफेर गर्ने कार्यसूची रहेको छ ।

यस्तै, बैठकमा केही मन्त्रीले सांसदहरुले उठाएका प्रश्नको उत्तर दिने कार्यक्रम रहेको छ । आज स्वास्थ्य तथा जनसङ्ख्या, बन तथा वातावरण, कृषि तथा पशुपक्षी विकास र श्रम, रोजगार तथा सामाजिक सुरक्षा मन्त्रालय सम्बन्धी मौखिक प्रश्नहरूको सम्बन्धित मन्त्रीले उत्तर दिने कार्यक्रम छ ।

यसैगरी, उपप्रधान एवं अर्थमन्त्री विष्णु पौडेलले राष्ट्रियसभामा उत्पत्ति भएको ‘सुरक्षित कारोबार (पहिलो संशोधन) विधेयक, २०८१ माथि विचार गरियोस्’ भन्ने प्रस्ताव प्रस्तुत गर्नेछन् ।

बैठकमा सांसद प्रतिमा गौतमले डेङ्गुको प्रकोपबारे जरुरी सार्वजनिक महत्वको प्रस्ताव प्रस्तुत गर्ने कार्यसूची रहेको छ ।

थप समाचारहरु

प्रतिनिधि सभाको बैठक बस्दै, यस्ता छन् छलफलको ६ विषय (सूचीसहित) प्रतिनिधि सभा बैठक आजपनि, यस्ता छन् कार्यसूची प्रतिनिधि सभा बैठकमा आज सांसदहरूले खर्च कटौतीको प्रस्ताव पेस गर्ने प्रतिनिधि सभा बैठक बस्दै, बजेट पारित गर्ने तयारी कृष्णबहादुर महराको बयान सकियो कांग्रेस केन्द्रीय कार्यसम्पादन समितिको बैठक बुधबार