जसपाद्वारा बाढीपहिराबाट भएको क्षतिप्रति दुःख व्यक्त

३० असार, काठमाडौँ । जनता समाजवादी पार्टी (जसपा) नेपालले अविरल वर्षासँगै मुलुकका विभिन्न स्थानमा बाढी र पहिराबाट भएको धनजनको क्षतिप्रति दुःख व्यक्त गरेको छ । पार्टी अध्यक्ष उपेन्द्र यादवले आज प्रेस विज्ञप्ति जारी गर्दै प्राकृतिक विपद्मा परी जीवन गुमाउनेप्रति हार्दिक श्रद्धाञ्जली अर्पण गर्नुका साथै घाइतेहरूको शीघ्र स्वास्थ्य लाभको कामना गरेका हुन् ।

उनले घाइतेको उपचारको सम्पूर्ण व्यवस्था तथा पीडित परिवारलाई यथाशीघ्र राहतको व्यवस्था मिलाउन सरकारसमक्ष आग्रह गरेका छन् । साथै अध्यक्ष यादवले बाढी प्रभावित क्षेत्रमा उद्धार तथा राहत कार्यमा जुट्न पार्टीका सदस्य तथा भ्रातृ सङ्गठनलाई आग्रह पनि गरेका हुन् ।

थप समाचारहरु

जसपाको केन्द्रीय कार्यकारिणी समिति बैठक बस्दै जसपा नेपालको केन्द्रीय समिति बैठक जारी जसपा नेपालले गठन गर्यो कोसी नामकरणविरुद्ध आन्दोलन परिचालन समिति जसपा नेपालले आज आधारभूत सङ्गठन निर्माण अभियान उद्घाटन गर्दै जसपाले टुङ्ग्यायो पदाधिकारी र सदस्य प्रत्यक्ष निर्वाचित कार्यकारी प्रमुखको व्यवस्था आवश्यक : पूर्ण बस्नेत