मौसम पूर्वानुमान : यी स्थानमा हुँदैछ भारीदेखि अति भारी वर्षा

२८ असार , काठमाडौं । हाल देशभर मनसुनी वायुको प्रभाव रहेको छ । जल तथा मौसम विज्ञान विभाग मौसम पूर्वानुमान महाशाखाका अनुसार शुक्रबार मनसुनको न्यूनचापीय रेखा सरदर स्थानभन्दा उत्तरतर्फ छ ।

त्यसको प्रभावले शुक्रबार बिहान देशभर साधारणदेखि पूर्णतया बदली रही मधेस, बागमती, गण्डकी र लुम्बिनी  प्रदेशका धेरै  स्थानहरूमा साथै कोशी,कर्णाली र सुदूरपश्चिम प्रदेशका थोरै  स्थानहरूमा हल्का देखि मध्यम वर्षा भइरहेको महाशाखाले जनाएको छ ।

आज दिउँसो पनि देशभर साधारणतया देखि पूर्णतया बदली रही कोशी, मधेश, बागमती, गण्डकी र लुम्बिनी प्रदेशका अधिकांश स्थानहरूमा साथै कर्णाली र सुदूरपश्चिम प्रदेशका धेरै स्थानहरूमा मेघ गर्जन÷चट्याङ्ग सहित हल्का देखि मध्यम वर्षाको सम्भावना रहेको छ ।

महाशाखाका अनुसार दिउँसो कोशी, मधेश, बागमती,र  गण्डकी  प्रदेशका केही  स्थानहरूमा, लुम्बिनी  प्रदेशको  थोरै  स्थानहरूमा साथै  सुदूरपश्चिम र कर्णाली प्रदेशका एक–दुई स्थानमा भारी वर्षाको सम्भावना रहेको छ ।

कोशी, मधेश, बागमती,  गण्डकी  र लुम्बिनी प्रदेशका  एक÷दुई स्थानमा धेरै भारीदेखि अति भारी वर्षाको पनि सम्भावना रहेको महाशाखाले जनाएको छ।

शुक्रबार राति पनि  देशभर साधारणदेखि पूर्णतया बदली  रही कोशी, मधेश, बागमती, गण्डकी र लुम्बिनी प्रदेशका केही स्थानहरूका साथै कर्णाली र सुदूरपश्चिम प्रदेशका थोरै स्थानहरूमा मेघ गर्जन÷चट्याङ्ग सहित हल्कादेखि मध्यम वर्षाको सम्भावना रहेको महाशाखाले जनाएको छ ।

थप समाचारहरु

मौसम पूर्वानुमान : यी पाँच प्रदेशमा अति भारी वर्षा हुने मौसम पूर्वानुमान : यी पाँच प्रदेशमा भारी वर्षा हुने मौसम पूर्वानुमान : यी तीन प्रदेशमा भइरहेको छ वर्षा मौसम पूर्वानुमान : बागमतीसहित यी तीन प्रदेशमा ठूलो वर्षाको सम्भावना मौसम पूर्वानुमानः देशका यी स्थानमा भारी वर्षाको सम्भावना मौसम पूर्वानुमानः आज सबै प्रदेशमा वर्षाको सम्भावना