१७ जेठ , काठमाडौं । हलिउडका प्रख्यात निर्माता हार्वे विनस्टीन प्रायः निजी कारणले चर्चामा आउँछन् । पछिल्लो दशकमा हलिउडमा गर्माएको ‘मी टू अभियान’को मुख्य शिकार यिनै निर्माता बनेका छन् ।
उनीमाथि ८० भन्दा बढी महिलाले यौन उत्पीडनको आरोप लगाएका थिए । उनीमाथि हालै मेनहटनको अदालतमा थप दुई महिलाले यौन उत्पीडनको मुद्धा दायर भएका छन् ।
हार्वे वर्तमान समयमा यौन उत्पीडनको मामलामा जेल सजाय बिताइरहेका छन् । मेनहटनका सहायक जिल्ला अटर्नी निकोल ब्लमबर्गले अदालतका एक न्यायाधीशलाई नयाँ पीडितको दावीको मूल्यांकन गरिरहेको बताएका छन् । निकोलले हार्वेमाथि अर्को नयाँ अभियोग लाग्ने सक्ने सम्भावना बढेको जनाएका छन् ।
हार्वे बिहीबार मेनहट्टन कोर्ट हाउसमा उपस्थित थिए । यो त्यही कोर्ट हाउस हो, जहाँ गुप्त धनको मामलामा अमेरिकी पूर्व राष्ट्रपति डोनाल्ड ट्रम्प अदालतको निर्णयको पर्खाइमा छन् ।
हार्वेमाथि दुई महिलाहरु मिमी हेली र जेसिका मानले बलात्कारको आरोप लगाएका थिए । जसकारण उनलाई फस्ट डिग्री यौन उत्पीडन र थर्ड डिग्री बलात्कारमा दोषी ठहराइएको थियो । अब नयाँ मामलाको सुनुवाई यही कोर्टमा हुनेछ ।
हार्वे मी टू अभियानपछि चर्चामा छन् । उनी सन् २०२२ मा यौन उत्पीडनको मामलामा दोषी ठहरिएका थिए र उनलाई न्यायाधिसले १६ वर्षको जेल सजाय सुनाएका थिए । यद्यपि हार्वेका वकिलले सजाय घटाउन माग गरेका थिए ।
थप समाचारहरु
केन्यामा कर वृद्धि विरोधी प्रदर्शनमा ३९ को मृत्यु, ३६१ घाइते
कोष्टारिका कोपा अमेरिकाको समूह चरणबाटै विदा
अमेरिकी डलरको मूल्य घट्दा, युरो र पाउण्डको मूल्य बढ्यो
साफ यु-१७ च्याम्पियनसिप : आज नेपाल र श्रीलंका भिड्दै
परराष्ट्रमन्त्री राणा र स्पेनका प्रधानमन्त्रीबीच भेटवार्ता
पाकिस्तानी सेनाको आक्रमणमा तीन भारतीय नागरिको मृत्यु
