१० जेठ, काठमाडौं । नेकपा एकीकृत समाजवादीले संसदमा देखिएको गतिरोध अन्त्यका लागि पहल गर्ने निर्णय गरेको छ ।
बिहीबार बसेको पार्टीको सचिवालय बैठकले गतिरोध अन्त्यका लागि प्रमुख प्रतिपक्षी दल नेपाली कांग्रेस, प्रधानमन्त्री पुष्पकमल दाहाल प्रचण्ड र गृहमन्त्री रवि लामिछाने लगायतसँग छलफल गर्ने निर्णय गरेको एक नेताले जानकारी दिए ।
सहकारीको रकम अपचलनका विषयमा गृहमन्त्री रवि लामिछानेविरुद्ध संसदीय छानबिन गर्नुपर्ने माग गर्दै नेपाली कांग्रेसले संसद अवरोध गर्दै आएको छ । कांग्रेसको विरोधका बाबजुद सभामुख देवराज घिमिरेले बैठक सञ्चालन गर्दै आएका छन् ।
एकीकृत समाजवादीले १० औं महाधिवेशनका लागि तयार गरिएको पार्टीको दस्तावेज जिल्लास्तरमा पठाउने निर्णय पनि गरेको छ । अर्को सचिवालय बैठक अब १४ जेठमा बस्नेछ ।
थप समाचारहरु
सामाजिक सद्भाव र पारिवारिक एकता कायम राख्न टिकटक बन्द गरियो : प्रधानमन्त्री प्रचण्ड
सुशासन, संघीयता कार्यान्वयन र विश्वविद्यालयमा सुधारबारे राष्ट्रपतिको चासो
प्रतिनिधि सभा र राष्ट्रिय सभा बैठक बस्दै
संसदमा कांग्रेसको अडान : सहकारीको रकम ठगीमा संसदीय छानबिन गर
कांग्रेस र राप्रपाले गर्यो संसद अवरूद्ध, जंगिए सभामुख
कांग्रेसले भन्यो : अध्यादेश ल्याउन खोज्नु गैरजिम्मेवार र संसदीय अभ्यास विपरीत
